ఆర్డీవో వెంకట శివరామిరెడ్డి
విశాలాంధ్ర ధర్మవరం:: నియోజకవర్గంలోని పోలింగ్ బూత్ కేంద్రాలలో గాని, ఎన్నికల కు సంబంధించినటువంటి విధులలో గల ఫ్లయింగ్ స్క్వాడ్ స్టాటిక్ సర్వే లైన్స్ వీడియో సర్వే లెన్స్ సంబంధించిన వారు తమ విధులను నిర్వర్తిస్తూ, ఎన్నికల నియమ నిబంధనలు తప్పక పాటించాలని ఆర్డీవో వెంకట శివరామిరెడ్డి తెలిపారు. ఈ సందర్భంగా వారికి అత్యవసర సమావేశాన్ని నిర్వహించి పైకి సంబంధించిన వారు ఆదివారము నుంచే (17/3/2024) తమ విధులను కొనసాగించాలని వారు ఆదేశించారు. వాహనాలను తనిఖీలు చేస్తూ నగదు బయటపడితే సంబంధిత అధికారులకు సమాచారం అందించాలని, ప్రస్తుతం ఎన్నికల విధులలో ఉన్న 36 మంది ఎన్నికలు సజావుగా నడిచేలా అందరూ తమ సహాయ సహకారాలను అందించాలని తెలిపారు. గతంలోనే కలెక్టర్ అండ్ జె సి ఆధ్వర్యంలో వీటికి సంబంధించిన శిక్షణా తరగతులను ఇవ్వడం కూడా జరిగిందని తెలిపారు. ఎన్నికల విషయంలో ఫిర్యాదులను కాల్ సెంటర్ నెంబర్ 1950 ప్రజలు ఎవరైనా కూడా చేయవచ్చునని, వచ్చిన ఫిర్యాదును వెనువెంటనే పరిష్కరించేలా కృషి చేయాలని తెలిపారు. అదేవిధంగా యాప్ సవిధా, సి. విజర్ యాపులను కూడా ఉపయోగించుకొని ఫిర్యాదులు చేసే అవకాశం ఉందని తెలిపారు. ఈ కార్యక్రమంలో ఏవో రమేష్ బాబు, ఎన్నికల ఉప తాసిల్దార్ షణ్ముఖ యాదవ్, తదితరులు పాల్గొన్నారు.
రాజకీయ నాయకులతో అత్యవసర సమావేశం:: పట్టణంలోని ఆర్డీవో కార్యాలయంలో వివిధ రాజకీయ పార్టీ నాయకులతో ఆర్డిఓ వెంకట శివరామిరెడ్డి అత్యవసర సమావేశాన్ని నిర్వహించారు. ఈ సందర్భంగా వారు ఎన్నికల్లో పాటించవలసిన విధి విధానాలను, తీసుకోవలసిన జాగ్రత్తలను వారు వివరించడం జరిగింది. ఎన్నికల కోడ్ ఉన్నందున ఇండ్ల వద్ద గాని వాణిజ్య సముదాయాల వద్ద గాని తమ పార్టీలకు సంబంధించిన ప్రచార సాధనాలను స్వచ్ఛందంగా తొలగించాలని తెలిపారు. అదేవిధంగా గోడలపై పార్టీకి సంబంధించిన ప్రకటనలు కూడా వెనువెంటనే తొలగించాలని తెలిపారు. ఎన్నికల కోడ్ను ఉల్లంఘించిన వారికి ఎన్నికల సంఘం అధికారుల తరఫున కఠిన చర్యలు కూడా తీసుకోబడుతుందని వారు తెలిపారు. కావున ప్రతి రాజకీయ పార్టీ ఎన్నికల సంఘం ప్రకటించిన విధి విధానాలను తూచా తప్పకుండా పాటిస్తూ, ఎన్నికలు విజయవంతం అయ్యేలా సహకరించాలని తెలిపారు. ఈ కార్యక్రమంలో కమిషనర్ రామ్కుమార్, ఏవో రమేష్ బాబు, ఎన్నికల ఉప తాసిల్దార్ షణ్ముఖ యాదవ్, వివిధ రాజకీయ పార్టీ ప్రతినిధులు పాల్గొన్నారు.
