శ్రీ సత్య కృప మహిళా డిగ్రీ కళాశాల అనుమతులు రద్దు చేయాలి

ఎస్ఎఫ్ఐ అండ్ ఏపీ ఎస్ ఎఫ్ విద్యార్థి సంఘం
విశాలాంధ్ర ధర్మవరం (శ్రీ సత్య సాయి జిల్లా): పట్టణంలో ఉన్నటువంటి శ్రీ సత్య కృప మహిళా డిగ్రీ కళాశాల యు జి సి నిబంధనల ప్రకారం నిర్వహించడం లేదని పక్క కమర్షియల్ భవనంలో ఈ కళాశాల నడుపుతున్నారని భారత విద్యార్థి ఫెడరేషన్ (ఎస్ఎఫ్ఐ) ఆంధ్రప్రదేశ్ స్టూడెంట్ ఫెడరేషన్ (ఏపీ ఎస్ ఎఫ్) ఆధ్వర్యంలో నడుపుతున్నారని ఫిర్యాదును ఆర్డీవో కార్యాలయం నందు ఏవో ఖత్రిజున్ కుఫ్రా గారికి వినతిపత్రం ఇవ్వడం జరిగింది. ఈ సందర్భంగా ఎస్ఎఫ్ఐ జిల్లా ప్రధాన కార్యదర్శి నామాల నాగార్జున, ఏపీ ఎస్ ఎఫ్జిల్లా అధ్యక్షుడు రావుల చెరువు సురేష్ మాట్లాడుతూ… నిబంధనల కు విరుద్ధంగా కమర్షియల్ కాంప్లెక్స్ లో కళాశాలను నిర్వహిస్తున్నారు అని, అదేవిధంగా విద్యార్థినీయులకు కనీసమైన సౌకర్యాలు కల్పించడం లేదని,అదేవిధంగా ఈ కాంప్లెక్స్ లో ఉన్నటువంటి సెల్ టవర్ రేడియేషన్ ద్వారా విద్యార్థులకు మానసికంగా అనేక సమస్యలు వస్తాయని, తద్వారా అనారోగ్యానికి కూడా గురయ్యే పరిస్థితిలు అధికంగా ఉన్నాయని,అదేవిధంగా 3 బ్యాంక్ ద్వారా అనునిత్యం ప్రజలతో రద్దీగా ఉంటున్న ఈ ప్రదేశంలో విద్యార్థినీయులకు ఇబ్బందికరంగా ఉందని తెలిపారు. కావున తక్షణం అధికారులు ఈ కళాశాలను ఇక్కడి నుండి తొలగించి వేరే చోటకు మార్చే విధంగా అధికారులు చర్యలు తీసుకోవాలని వారు తెలిపారు. ఇదే విషయాన్ని యూనివర్సిటీ అధికారుల దృష్టికి పై స్థాయి అధికారుల దృష్టికి తీసుకువెళ్తామని వారు తెలిపారు. ఈ సందర్భంగా AO ఖత్రిజున్ కుఫ్రా మాట్లాడుతూ తక్షణం వీటిని పర్యవేక్షణ చేసి, సంబంధించిన అధికారుల దృష్టికి తీసుకువెళ్తామని తెలిపారు. ఈ కార్యక్రమంలో ఎస్ఎఫ్ఐ జిల్లా ఉపాధ్యక్షుడు దామోదర్ తదితరులు పాల్గొన్నారు.