– పరస్పర దూషణలతో ఓటరును పక్కదారి పట్టిస్తున్న నా(మా)యకులు …
విశాలాంధ్ర – చోడవరం (అనకాపల్లి జిల్లా) : తే.22.02.2024ది. అనకాపల్లి జిల్లా చోడవరం నియోజకవర్గం లో రాజకీయ హై డ్రామా కొనసాగుతోంది. చోడవరం శాసనసభ స్థానానికి టికెట్ ఆశించి, భంగపడ్డ ఇరుపక్షాల నేతలు తమ సహచర్యం బయటకు పొక్కకుండా వుండేందుకు మీడియా ద్వారా జాగ్రత్త పడుతున్నారనే విమర్శలు వినిపిస్తున్నాయి. అధికార, ప్రతిపక్ష నాయకుల చర్యలు, సహవాసం, రహస్య వ్యాపార మంతనాలను ముందే పసిగట్టిన అధిష్టానం దృష్టిలో ప్రస్తుత నేతల పేర్లు వినిపించకపోవడంతో ఇరుపార్టీల నేతలు హిడ్రామాకు తెర లేపారనేది బహిరంగ రహస్యం. వెనుకటికి ఏదో సినిమాలో చూపించినట్లు, ఎన్నికల్లో ఎవరు గెలిచినా, రెండవ వారికి ఉపయోగపడాలనే విధంగా, పరస్పర అంగీకారంతో బయటకు దూషణలకు పాల్పడుతూ, అభిమానులు ఓటర్లను పక్కదారి పట్టిస్తున్నారనే వాస్తవాన్ని స్థానికులు కోడై కూస్తున్నారు. భేషజాలు వదలని నేతల రాజకీయ భవష్యత్తు అధిష్టానం, నియోజకవర్గ ఓటర్లు తీర్పునిచ్చేవరకు వేచి చూడాల్సిందే…
