ఆలయ చైర్మన్ దాశెట్టి సుబ్రహ్మణ్యం, ఆలయ ఈవో వెంకటేశులు
విశాలాంధ్ర – ధర్మవరం:: పట్టణంలోని బ్రాహ్మణ వీధిలో గల శ్రీ లక్ష్మి చెన్నకేశవ స్వామి దేవస్థానంలో ఆగస్టు 1వ తేదీ మంగళవారం సాయంత్రం 6 గంటలకు పౌర్ణమి సందర్భంగా గరుడోత్సవ కార్యక్రమాన్ని నిర్వహిస్తున్నట్లు ఆలయ చైర్మన్ దాశెట్టి సుబ్రహ్మణ్యం, ఆలయ ఈవో వెంకటేశులు,వైస్ చైర్మన్ కుండా చౌడయ్య పేర్కొన్నారు. ఈ సందర్భంగా వారు మాట్లాడుతూ తిరుమల తిరుపతి దేవస్థానంలో నిర్వహించే కార్యక్రమంలో భాగంగానే ధర్మవరం పట్టణంలో కూడా గత కొన్ని నెలలుగా ఈ గరుడోత్సవ కార్యక్రమాన్ని పౌర్ణమి రోజున నిర్వహించడం జరుగుతోందన్నారు. ఇందులో భాగంగానే ఆగస్టు 1వ తేదీ మంగళవారం సాయంత్రం 6 గంటలకు దాతలు, అర్చకులు, భక్తాదులు, ఆలయ కమిటీ ఆధ్వర్యంలో ఈ గరుడ ఉత్సవమును పట్టణ పురవీధుల్లో ఊరేగింపుగా నిర్వహిస్తున్నామని, గరుడ సేవ దాతలుగా బండ్లపల్లి శోభ శ్రీ,బండ్లపల్లి వెంకట జయ ప్రకాష్ లు.. ధర్మవరం వారు వ్యవహరించనున్నారని తెలిపారు. కావున భక్తాదులు అధిక సంఖ్యలో పాల్గొని స్వామివారి కృపకు పాత్రులు కావాలని తెలిపారు.
ఆగస్టు 1న గరుడోత్సవం
