రానున్న సార్వత్రిక ఎన్నికలలో అన్ని విభాగాలు కలిసి సమర్థవంతంగా పని చేద్దాం

జిల్లా ఎస్పీ శ్రీ కేకేఎన్ అన్బురాజన్
విశాలాంధ్ర -అనంతపురం వైద్యం : రానున్న సార్వత్రిక ఎన్నికలలో అన్ని విభాగాలు కలిసి సమర్థవంతంగా పని చేద్దామని జిల్లా ఎస్పీ శ్రీ కేకేఎన్ అన్బురాజన్ పిలుపునిచ్చారు. గురువారం స్థానిక పోలీసు కాన్ఫరెన్స్ హాలులో జిల్లాలోని పోలీసు, సెబ్, ఎక్సైజ్, ఆర్టీఏ, విజిలెన్స్ ఎన్ఫోర్స్మెంట్, అటవీశాఖ అధికారులతో సమన్వయ సమావేశం నిర్వహించారు.
రాబోవు ఎన్నికలు శాంతియుతంగా జరిగేలా ప్రణాళికా బద్దంగా అన్నిరకాల ముందస్తు చర్యలు చేపడదామన్నారు. స్టాటిక్ చెక్ పోస్టులు, డైనమిక్ చెక్ పోస్టులలో సమన్వయంతో పని చేద్దామన్నారు. బెల్టు దుకాణాలు జిల్లాలో ఉండకూడదు. అక్రమంగా నగదు, బంగారు ఆభరణాల తరలింపు జరుగకూడదన్నారు. ఎన్ డి పి ఎల్ , డీపీల్ నిబంధనల ప్రకారం సీజ్ చేయాలి. ఉన్నది ఉన్నట్లు సీజ్ చేసి వేగవంతంగా డిస్పోజల్ చేయాలి. కేసు నమోదు, నిందితుల అరెస్టు అంతా చట్టపరంగా జరగాలి. తరలింపుదారులతో పాటు మూలమైన కింగ్ పిన్ లను కూడా వదలొద్దన్నారు. ఎఫ్ జె వాష్, ఐ.డి లిక్కర్, గంజాయి సీజ్ చేయండి. పి.డి యాక్టుకు అర్హులైన వారిని ఐడెంటిఫై చేయాలన్నారు. నగదు సీజ్ , ఆ తర్వాత ప్రక్రియ సమయంలో తీసుకోవాల్సిన జాగ్రత్తలు గురించి వివరించారు. అక్రమంగా ఇసుక, మట్టి ఏవి అనుమతించొద్దు. అటవీశాఖ పరిధిలోని మెటీరియల్ కూడా అక్రమంగా రవాణా జరుగరాదన్నారు. ఈ సమావేశంలో అదనపు ఎస్పీలు ఆర్ విజయ భాస్కర్ రెడ్డి, జి.రామకృష్ణ, హనుమంతు ( ఏ.ఆర్ ), డిటిసి, ఎక్సైజ్ సూపరింటెండెంట్, రీజినల్ విజిలెన్స్ ఆఫీసర్ మునిరామయ్య, కమర్షియల్ ట్యాక్స్ ఆఫీసర్, అటవీశాఖ అధికారి మరియు డీఎస్పీలు ఆంథోనప్ప, బి.శ్రీనివాసులు, సి.ఎం గంగయ్య, యు.నరసింగప్ప, జి.ప్రసాదరెడ్డి, ఏ.ఆర్ డీఎస్పీ మునిరాజా, ట్రైనీ డీఎస్పీ హేమంత్ కుమార్, జిల్లా పోలీసు కార్యాలయం పరిపాలన అధికారి శంకర్, లీగల్ అడ్వైజర్ విష్ణువర్ధన్ రెడ్డి, జిల్లాలోని సి.ఐ లు, ఎస్సైలు, మహిళా పోలీసులు, తదితరులు పాల్గొన్నారు.