విశాలాంధ్ర, పార్వతీపురం: గురువారంనాడు పార్వతీపురం మన్యం జిల్లాకేంద్రం పసుపుజనంతో, టీడీపి, జనసేన, బీజేపి జనసంద్రంతో, అభిమానులతో కిక్కిరిసిపోయింది.ఎక్కడ చూసిన జనమే. పార్వతీపురం శాసనసభ నియోజకవర్గ టీడీపి,జనసేన, బీజేపి ఎంఎల్ఏ అభ్యర్ధిగా బోనెల విజయ్ చంద్ర గురువారం నామినేషన్ల ప్రక్రియకోసం నియోజక వర్గంలోని (సీతానగరం,పార్వతీపురం, బలిజిపేట మండలాలతోపాటుపార్వతీపురం పురపాలక సంఘంలోని మూడు పార్టీల ప్రజాప్రతినిదులు,నాయకులు, కార్యకర్తలు అభిమానులు,మహిళలు,శ్రేయోభిలాషులు పెద్దఎత్తున తరలివచ్చారు. ఎంపీ అభ్యర్థి కొత్తపల్లి గీత, బొబ్బిలి ఎంఎల్ఏ అభ్యర్ధి బేబీనాయన, జనసేన నేతలు ఆడారు మోహనరావు, బాబుపాలురు తదితర కీలకనేతలు ర్యాలీలో పాల్గొన్నారు.పార్వతీపురం పాత బస్ స్టాండ్ నుండి పార్వతీపురం పురవీదులగుండా ర్యాలీను నిర్వహించి,45డిగ్రీల ఎండను సైతం లెక్కచేయకుండా ర్యాలీగా ఆర్డీఓ కార్యాలయం వరకు విచ్చేసి మిట్ట మధ్యాహ్నం నామినేషన్ దాఖలు చేశారు.
