మాంగల్య షాపింగ్మాల్ ను తప్పక అడ్డుకుంటాం

ధర్మవరం పట్టు వ్యాపారస్తుల సంఘం హెచ్చరిక

విశాలాంధ్ర – ధర్మవరం : మాంగల్య షాపింగ్ మాల్ను ధర్మవరంలో తప్పక అడ్డుకుంటామని ధర్మవరం పట్టు వ్యాపారస్తుల సంఘం వారు హెచ్చరించారు. ఈ సందర్భంగా పట్టణంలోని శమీనారాయణ స్వామి దేవాలయంలో శుక్రవారం అత్యవసర సమావేశాన్ని నిర్వహించారు. అనంతరం పట్టు వ్యాపారస్తుల సంఘం నాయకులు కలవల రాంకుమార్, కలవల మురళి, ఖలీల్, పోలా ప్రభాకర్, గిర్రాజు రవి, ఉడుముల రామచంద్ర తదితరులు మాట్లాడుతూ మాంగళ్య షాపింగ్ మాల్ వారు ఇప్పటికే కొన్ని నగరాలలో బ్రాంచ్లను పెట్టడం జరిగిందని, ఏపీ అంతటా పెట్టాలన్న దురుద్దేశంతో ధర్మారంలో కూడా షాపింగ్ మాల్ తో పాటు జూలర్స్ షాపింగ్ కూడా ప్రారంభిస్తే తాము తప్పకుండా అడ్డుకునే తీరుతామని హెచ్చరించారు. తాత ముత్తాతల కాలం నుంచి చేనేత పరిశ్రమను ఆధారం చేసుకొని వందలాదిమంది పట్టు వ్యాపారస్తులు ధర్మవరంలో జీవిస్తూ ఉంటే, షాపింగ్ మాల్ పేరుతో ధర్మవరంలో అడుగుతే వ్యాపారస్తుల జీవనం మనుగడ ప్రశ్నార్థకము అవుతుందని తెలిపారు. ఉత్పత్తులు వాలే చేసి క్రయవిక్రయాలు కూడా మాంగల్య షాప్ వాళ్లే నిర్వహిస్తే ఏళ్ల తరబడి ఆధారపడిన చేనేత పరిశ్రమకు చెందిన కార్మికులు, వ్యాపారస్తులు ఏమి కావాలని వారు ప్రశ్నించారు. వారి మనుగడ ఏమవుతుందోనన్న భయాందోళనలు ఉన్నాయని తెలిపారు. వీవర్స్ తోనే నేరుగా వ్యాపారాలు కొనసాగిస్తే, ఏళ్ల తరబడి ఉన్న వ్యాపారస్తుల పరిస్థితి ఏంటి అని వారు ప్రశ్నించారు. తాము రాజకీయంగా గాను, ప్రత్యక్షంగా గాను, పరోక్షంగా గాను ఎదుర్కొని తీరుతామని సవాల్ విసిరారు. వ్యాపారుల జీవనమును తొలగించడానికి షాపింగ్ మాల్ వాళ్లు ఇలాంటి దురుద్దేశం వ్యాపారం చేయడం తగదని హితవు పలికారు. వీటి పట్ల తాము తీవ్రంగా ఖండిస్తున్నామని తెలిపారు. ఆగస్టు నాలుగవ తేదీన శాశ్వత వ్యాపారస్తుల అసోసియేషన్ సంఘమును ప్రారంభిస్తున్నామని, తద్వారా ధర్మవరంలో వ్యాపారస్తులను కాపాడుకుంటూ వారికి భద్రత కల్పిస్తామని తెలిపారు. ఇప్పటికే ప్రభుత్వం తోపాటు స్థానిక ఎమ్మెల్యే కేతిరెడ్డి కూడా మాకు అండదండలుగా ఉన్నారని, వారికి కూడా తమ కష్టాలను వినతి పత్రం ద్వారా అందించబోతామని తెలిపారు. ప్రస్తుతం చేనేత పరిశ్రమను నమ్ముకున్న చేనేత కార్మికులు వ్యాపారస్తులు ఏకధాటిగా ఉంటూ సమస్యలను పరిష్కరించుకోవలసిన సమయం ఆసన్నమైనదని వారు గుర్తు చేశారు. ఈ కార్యక్రమంలో దత్త శివ, పోలా ప్రభాకర్, పోలా వెంకటరమణ, చింతా బాలకృష్ణ ,పుల్లయ్య, కాజా హుస్సేన్, చలపతి, దాసరి శ్రీరాములు, కాచర్ల అంజి, కోటమ్మ తదితరులు పాల్గొన్నారు.-