తెనాలిలో ఓటర్‌పై చేయిచేసుకున్న తెనాలి ఎమ్మెల్యే అన్నబత్తుని శివ కుమార్‌కు గృహ నిర్భంధం విధించాలంటూ ఎన్నికల సంఘం ఆదేశాలు జారీ చేసింది. క్యూ లైన్‌లో రాకుండా పోలింగ్ బూత్‌లోకి వెళ్లొద్దంటూ ప్రశ్నించిన సామాన్యుడు గొట్టిముక్కల సుధాకర్‌‌పై వెళ్తున్న శివకుమార్ దాడి చేశాడు. తనను ప్రశ్నించడాన్ని ఎమ్మెల్యే శివకుమార్ జీర్ణించుకోలేక ఈ దాడి చేశారు. శివకుమార్ వ్యవహారశైలిపై ఎన్నికల సంఘం సీరియస్ అయ్యింది. అతడిపై వెంటనే చర్యలు తీసుకోవాలని ఆదేశాలు జారీ చేసింది. ఆయనను పోలింగ్ పూర్తయ్యే వరకు గృహ నిర్బంధంలో ఉంచాలంటూ స్పష్టమైన ఆదేశాలు జారీ చేసింది.
