విశాలాంధ్ర, పెద్దకడబూరు : పెద్దకడబూరు మండల అభివృద్ధి అధికారిగా శ్రీనివాసరావు బుధవారం మండల పరిషత్ కార్యాలయం నందు బాధ్యతలు చేపట్టారు. సాధారణం బదిలీలో భాగంగా ప్రకాశం జిల్లా నుంచి పదోన్నతిపై ఇక్కడి వచ్చారు. ఈ సందర్భంగా వారు మాట్లాడుతూ మండల ప్రజలకు అందుబాటులో ఉండి ప్రజాసేవకు అంకితం అవుతానన్నారు. అలాగే మండలంలోని ప్రజా సమస్యలపై ప్రత్యేక దృష్టి పెట్టి ప్రజాప్రతినిధులు, అధికారుల సహాయ సహకారాలతో మండల అభివృధ్ధికి పాటుపడుతానని తెలిపారు.
