ఆర్టీసీ సంస్థలో ఖర్చును తగ్గిస్తూ ఆదాయ అభివృద్ధికి తోడ్పాటు..

డిప్యూటీ చీఫ్ మెకానికల్ ఇంజనీర్ మోహన్ కుమార్
విశాలాంధ్ర -ధర్మవరం : ఆర్టీసీ సంస్థలో ఖర్చులు తగ్గిస్తూ, ఆదాయ అభివృద్ధికి తోడ్పాటు చేస్తామని డిప్యూటీ చీఫ్ మెకానికల్ ఇంజనీర్ మోహన్ కుమార్ పేర్కొన్నారు. ఈ సందర్భంగా శనివారం ధర్మవరం డిపో గ్యారేజీలో మెకానికులకు లేటెస్ట్ టెక్నాలజీలపై అవగాహన
వారు నిర్వహించారు. అనంతరం మోహన్ కుమార్ మాట్లాడుతూ ప్రస్తుతం ఆర్టీసీ సంస్థలో టెక్నాలజీతో ఉమ్మడి జిల్లాలలో ఉన్న 17 డిపోలలో ఎంతగానో ఉపయోగ ఉంటుందని తెలిపారు. ఇన్ఫియరేడ్ ధర్మ మీటర్ ద్వారా ఇంజన్ యొక్క టెంపరేచర్, కండిషన్ అదేవిధంగా టైర్, గేజు, బేరింగుల యొక్క నాణ్యత ను తెలుసుకొనే అవకాశం ఉందన్నారు. పల్లె వెలుగు, ఎక్స్ప్రెస్, సూపర్ డీలక్స్ బస్సులపై నూతన టెక్నాలజీలతో ఖర్చులు తగ్గిస్తూ, బస్సుల అభివృద్ధికి తోడ్పడే విధంగా మెకానికులకు మెలుకువ లను తెలపడం జరిగిందన్నారు. అదేవిధంగా గ్యారేజీ లోని స్పేర్ పార్ట్స్ యొక్క గదిని కూడా పరిశీలించడం జరిగిందని, అన్ని డిపోలలో స్పేర్ పార్ట్స్ ను సిద్ధంగా ఉంచామని, కే ఎంపీల్,వేగ నియంత్రణ, సేఫ్టీ, అన్న వాటిపై ప్రాధాన్యతను ఇస్తున్నామని తెలిపారు. ప్రయాణికుల సుఖవంతమైన ప్రయాణం కొరకు బస్సులకు మెకానిజం ఎంతో కీలకపాత్ర వహిస్తుంది కాబట్టి, మెకానికుల పర్యవేక్షణ తనిఖీలు, అత్యంత ప్రాధాన్యతను చోటు చేసుకుంటాయని తెలిపారు. తదుపరి మెకానికుల యొక్క అనుమానలను కూడా వారు నివృత్తి చేశారు. మెకానిజంపై పూర్తి పర్యవేక్షణ తప్పనిసరిగా ఉండాలని డిపో మేనేజర్ మోతిలాల్ కు సూచించారు. ఈ కార్యక్రమంలో డిపో మేనేజర్ మోతిలాల్ నాయక్, గ్యారేజీ మెకానికులు, కార్యాలయ సిబ్బంది పాల్గొన్నారు.