ఆర్థిక మంత్రి నిర్మలా సీతారామన్ బడ్జెట్ ప్రసంగాన్ని చదవడం ప్రారంభించారు. భారతదేశ ఆర్థికాభివృద్ధి ప్రపంచానికి అద్భుతమైన ఉదాహరణ అని ఆర్థిక మంత్రి అన్నారు. కాగా , ఈ బడ్జెట్ లో ఏపీకి భారీగా కేటాయింపులు చేశారు. అమ‌రావ‌తికి 15 వేల కోట్లు కేటాయించ‌గా, పోల‌వరం నిర్మాణానికి 12 వేల కోట్లు ఇవ్వ‌నున్న‌ట్లు అధికారికంగా నిర్మ‌ల ప్రకటించారు.భారతదేశం ఇలాగే ప్రగతి పథంలో ముందుకు సాగుతుంది. ద్రవ్యోల్బణాన్ని 4 శాతానికి తగ్గించేందుకు ప్రయత్నాలు జరుగుతున్నాయన్నారు. ఆర్థిక మంత్రి నిర్మలా సీతారామన్ మాట్లాడుతూ, మేము ప్రధానమంత్రి గరీబ్ కళ్యాణ్ యోజనను 5 సంవత్సరాలు పొడిగించాము. దీని వల్ల 80 కోట్ల మందికి పైగా పేదలు లబ్ధి పొందుతున్నారు. ఉపాధి, నైపుణ్య శిక్షణ కోసం ఐదు పథకాల ప్యాకేజీని ప్రధాని ప్రకటించారు. దీనివల్ల ఐదేళ్లలో 4 కోట్ల 10 లక్షల మంది యువతకు లబ్ధి చేకూరనుంది. ఈ పథకాలకు రెండు లక్షల కోట్ల రూపాయలు ఖర్చు చేయనున్నారు. అభివృద్ధి చెందిన భారతదేశానికి రోడ్‌మ్యాప్ ఇస్తామని మధ్యంతర బడ్జెట్‌లో హామీ ఇచ్చాం అని అన్నారు.
