దెబ్బతిన్న పైప్‌లైన్ పునరుద్ధరించిన థింక్ గ్యాస్

అనంతపురం: అనంతపురంలోని శ్రీ నగర్ కాలనీలో, ఎంజీ షోరూమ్ వెనుక, ఒక దుకాణ యజమాని విద్యుత్ స్తంభం ఏర్పాటు కోసం గుంత తవ్వేందుకు సమాచారం ఇవ్వకుండా చేతితో తవ్వకాలు జరుపుతుండగా, థింక్ గ్యాస్ (గతంలో ఏజీ అండ్ పీ ప్రథమ్) వేసిన నగర గ్యాస్ పైప్‌లైన్ దెబ్బతింది. థింక్ గ్యాస్ అత్యవసర ప్రతిస్పందన బృదం వెంటనే స్పందించి, ప్రభావిత ప్రాంతాన్ని వేరుచేసి, తక్కువ సమయంలో గ్యాస్ సరఫరాను పునరుద్ధరించింది. తద్వారా ప్రజల భద్రతను నిర్ధారించి, నివాసితులకు కలిగే అసౌకర్యాన్ని తగ్గించింది. థింక్ గ్యాస్, అనంతపురం జిల్లాలో గృహ వినియోగదారులకు పైప్డ నేచురల్ గ్యాస్ (పీఎన్‌జీ), రవాణా వినియోగదారులకు కంప్రెస్డ్ నేచురల్ గ్యాస్ (సీఎన్‌జీ) సరఫరా చేయడానికి ఒక పటిష్టమైన పైప్‌లైన్ మౌలిక సదుపాయాన్ని ఏర్పాటు చేసింది. పైప్‌లైన్ మార్గం వెంబడి స్పష్టంగా కనిపించే మార్గ సూచికలు, హెచ్చరిక సంకేతాలు, అత్యవసర సంప్రదింపుల బోర్డులు ఉన్నప్పటికీ, తవ్వకం పనులలో పాల్గొన్న కాంట్రాక్టర్, పని ప్రారంభించే ముందు థింక్ గ్యాస్‌కు తెలియజేయడంలో విఫలమయ్యారు. అందుకే కాంట్రాక్టర్లు, ఏజెన్సీలు, వ్యక్తులందరూ ఈ భద్రతా అవసరాన్ని పాటించాలని థింక్ గ్యాస్ కోరుతోంది. ఏదైనా తవ్వకం కార్యకలాపానికి ముందు థింక్ గ్యాస్‌ను సంప్రదించడానికి టోల్`ఫ్రీ నంబర్ 1800 2022 999.