వర్చువల్‌గా కేసుల విచారణ: సీజేఐ

న్యూదిల్లీ: దేశ రాజధానిలో రోజురోజుకు పెరుగుతున్న కాలుష్యం నేపథ్యంలో సుప్రీంకోర్టు సీజేఐ జస్టిస్‌ సంజీవ్‌ ఖన్నా కీలక సూచనలు చేశారు. దిల్లీలో వాయు కాలుష్యం పెరుగు తున్నందున వీలైతే వర్చువల్‌గా వాదనలు వినిపించాలని న్యాయమూర్తులు సూచించారని ఆయన తెలిపారు. కాలుష్య అంశం చేయి దాటిపోయిందని సీనియర్‌ న్యాయవాది కపిల్‌ సిబల్‌ సుప్రీంకోర్టులో ఆందోళన వ్యక్తం చేశారు. జీఆర్‌పీఏ-4 పరిమి తులను పరిగణనలోకి తీసుకొని దిల్లీలోని కోర్టులు పూర్తిగా వర్చువల్‌ విధానాన్ని అనుసరించాలని సీనియర్‌ న్యాయవాదులు కపిల్‌ సిబల్‌, గోపాల్‌ శంకరనారాయణన్‌, సొలిసిటర్‌ జనరల్‌ తుషార్‌ మెహతా అభ్యర్థించారు. దీంతో ఏ కేసులైనా సరే న్యాయవాదులు వర్చువల్‌ మోడ్‌లో పాల్గొని తమ వాదనలు వినిపించొచ్చని సీజేఐ జస్టిస్‌ సంజీవ్‌ ఖన్నా పేర్కొన్నారు. దిల్లీలో వాయుకాలుష్యం క్రమంగా పెరుగుతున్న నేపథ్యంలో అక్కడి ప్రజలు తీవ్రమైన కాలుష్య కోరల్లో చిక్కుకుంటున్నారు. వాయు కాలుష్యంపై తాజాగా విచారణ జరిపిన సుప్రీం దిల్లీ ప్రభుత్వంపై మండిపడిరది. రోజురోజుకు వాయు నాణ్యత క్షీణిస్తున్నా అధికారులు అలసత్వం ప్రదర్శించడం వల్ల తీవ్ర పరిణామాలు ఎదుర్కోవాల్సి వస్తోందని ఆందోళన వ్యక్తంచేసింది. కాలుష్యం నేపథ్యంలో ఇప్పటికే ఒకటి నుంచి తొమ్మిదో తరగతి విద్యార్థులకు ఆన్‌లైన్‌ తరగతులు నిర్వహిస్తున్నారు.