భారత గడ్డపై భారత కమ్యూనిస్టు పార్టీ 100 సంవత్సరాలు….. సిపిఐ

విశాలాంధ్ర -ధర్మవరం: పట్టణంలో భారత కమ్యూనిస్టు పార్టీ సిపిఐ 100వ ఆవిర్భావ దినోత్సవ వేడుకలు ధర్మవరం నియోజకవర్గ సిపిఐ కార్యదర్శి మధు ఆధ్వర్యంలో జరిగాయి. ఈ సమావేశానికి ముఖ్య అతిథులుగా రైతు సంఘం రాష్ట్ర అధ్యక్షులు కాటమయ్య , చేనేత చేతి వృత్తుదారుల సంఘం రాష్ట్ర అధ్యక్షులు జింక చలపతి హాజరు కావడం జరిగింది అని తెలిపారు.ఈ సందర్భంగా కాటమయ్య, జింక చలపతి, మధు మాట్లాడుతూ భారతదేశంలో 1925 ఆవిర్భవించి దేశ స్వతంత్రం కోసం ఎన్నో ఉద్యమాలు ప్రాణ త్యాగాలు చేసి స్వాతంత్రం కోసం దేశంలో ఉన్న కార్మికులు కర్షకులను ఏకం చేసి పెద్ద ఎత్తున ఉద్యమం చేసిన పార్టీ భారత కమ్యూనిస్టు పార్టీ సిపిఐ అని తెలిపారు. నాటి నుండి నేటి వరకు పేద మధ్యతరగతి ప్రజల పక్షాన ఉంటూ ప్రజా వ్యతిరేక విధానాలపై ఎప్పటికప్పుడు స్పందిస్తూ అనేక పోరాట రూపకల్పన చేసింది సిపిఐ అని అన్నారు. ఈనాటికీ 100వ సంవత్సరంలోకి అడుగుపెట్టిన సందర్భంగా భారత కమ్యూనిస్టు పార్టీ దేశవ్యాప్తంగా ఘనంగా నిర్వహించుకోవడం జరిగిందన్నారు. పేద ప్రజల సమస్యలను పరిష్కరించడం ఒక్క సీపీఐకే దక్కుతుందని తెలిపారు. ప్రజల యొక్క సమస్యలను పోరాటాల ద్వారా సల్ఫీ విజయాలను తెస్తోందని ప్రజల సమస్యలను ప్రభుత్వ దృష్టికి తెచ్చి పరిష్కరించే దిశగా ఎన్నో పోరాటాలు చేసి ప్రజలకు న్యాయం చేకూర్చడం ఒక సిపిఐ కు మాత్రమే దక్కుతుందని సిపిఐ తో పాటు దానికి అనుబంధమైన సంఘాల ద్వారా వివిధ రకాల ఉద్యోగులకు న్యాయం చేకూర్చడం జరుగుతుందని ధర్మవరం పట్టణంలో స్వాగత తోరణాలు ప్రజలను ఆకట్టుకున్నాయి. నేడు ధర్మవరం పట్టణంలో ఎర్రజెండాలు రెపరెపలాడుతూ మున్ముందు కూడా ప్రజల సమస్యల కు తాము ముందుంటామని నినాదాలు చేయడం జరిగిందన్నారు. మతోన్మాద బిజెపి ప్రభుత్వానికి వ్యతిరేకంగా ఉద్యమాలు నిర్వహించాలని, ప్రజా వ్యతిరేక విధానాలు అవలంబిస్తున్న ప్రభుత్వాలకు వ్యతిరేకంగా పోరాటాలను నిర్వహిస్తామని నిరంతరం ప్రజల కోసం, వారి సమస్యల కోసం, పేద మధ్యతరగతి, బడుగు బలహీన వర్గాల కోసం, భారత కమ్యూనిస్టు పార్టీ ఎప్పుడు వారి వెంట ఉండి, ఎన్నో ఉద్యమాలు చేసి, ప్రజల కోసం ప్రజలతో ఉండి పని చేసే పార్టీ మన భారత కమ్యూనిస్టు పార్టీ అని సిపిఐ పార్టీ దేశంలోనే వందేళ్లు చరిత్ర కలిగిన పార్టీ సిపిఐ అని, సిపిఐ పేదల కోసం,భూముల కోసం, భుక్తి విముక్తి కోసం, పోరాటాలు చేసి కష్టజీవుల సమస్యల పరిష్కారం కోసం త్యాగాలను చేసిన పార్టీ మన సిపిఐ పార్టీ అని తెలిపారు.ఈ కార్యక్రమంలో సిపిఐ పట్టణ కార్యదర్శి రవికుమార్, సహాయకార్యదర్శి రమణ, రైతు సంఘం వర్కింగ్ ప్రెసిడెంట్ కాటమయ్య, వ్యవసాయ కార్మిక సంఘం జిల్లా అధ్యక్షులు కుల్లాయప్ప, చేనేత కార్మిక సంఘం జిల్లా అధ్యక్ష, కార్యదర్శులు లక్ష్మీనారాయణ, వెంకటనారాయణ, వెంకటస్వామి, సిపిఐ బత్తలపల్లి మండల కార్యదర్శి వెంకటేష్, యువజన సంఘం జిల్లా అధ్యక్షులు సకల రాజా, వ్యవసాయ కార్మిక సంఘం బత్తలపల్లి మండల కార్యదర్శి సన్న పెద్దన్న ,రైతు సంఘం మండల కార్యదర్శి రామకృష్ణ, మహిళా సంఘం నాయకులు లలిత , నాగమ్మ సిపిఐ నాయకులు శ్రీనివాసులు, సురేష్, ఆదినారాయణ, రంగయ్య,సురేష్, శ్రీధర్, తాడిమర్రి సిపిఐ మండల నాయకులు లక్ష్మీనారాయణ, దాసు, సన్న పెద్దన్న ,చౌడప్ప, వసూరప్ప, పెద్ద ఎత్తున నియోజకవర్గంలోని నాలుగు మండలాల నుండి సిపిఐ నాయకులు, కార్యకర్తలు పాల్గొన్నారు.