నకిలీ మహిళా సంఘాల పేరిటన 80 లక్షల స్వాహా…

ఓవర్సీస్ బ్యాంకు మేనేజర్ జ్యోష్ణ
విశాలాంధ్ర ధర్మవరం:: పట్టణంలో కొంతమంది నకిలీ (బోగస్) మహిళా సంఘాలను నిర్వహిస్తూ, ఓవర్సీస్ బ్యాంకులో 80 లక్షలకు పైగా రుణాలను తీసుకొని మోసం చేసిన వైనం వెలుగులోకి వచ్చింది. ఇందులో భాగంగానే బ్యాంకు మేనేజర్ జోష్నా వన్ టౌన్ పోలీస్ స్టేషన్లో టౌన్ మిషన్ కోఆర్డినేటర్ బండి వెంకటేష్, రిసోర్స్ పర్సన్స్ శోభారాణి, కొండమ్మ పై ఫిర్యాదు చేశారు. 80 లక్షల వరకు రుణం తీసుకోవడం జరిగిందని పై తెలిపిన వారిపై వెంటనే కేసు నమోదు చేసుకుని న్యాయం జరగాలని ఫిర్యాదు చేసినట్లు బ్యాంకు మేనేజర్ తెలిపారు. అనంతరం వన్టౌన్ సిఐ నాగేంద్ర ప్రసాద్ మాట్లాడుతూ నకిలీ మహిళా సంఘాలను సృష్టించి, రుణాలు ఇప్పించిన వ్యక్తులపై త్వరితగతిన విచారణ చేపట్టి న్యాయం జరిగేలా కృషి చేస్తామని వారు హామీ ఇచ్చారు.