ఆంధ్రప్రదేశ్ లో ఎన్టీఆర్ భరోసా పెన్షన్ పథకం లో మార్పులు.. ఎంపీడీవో సాయి మనోహర్

విశాలాంధ్ర ధర్మవరం : ఆంధ్రప్రదేశ్ లో ఎన్టీఆర్ భరోసా పెన్షన్ పథకం లో కీలక మార్పులు ఉ ఇక పై రెండు నెలల పాటు వరుసగా పెన్షన్ తీసుకోకపోయిన మూడో నెలలో ఒకేసారి ఆ మొత్తాన్ని చెల్లించే విధంగా ప్రభుత్వం నిర్ణయించిందని ఎంపీడీవో సాయి మనోహర్ తెలిపారు. అనంతరం వారు మాట్లాడుతూ మొదటి నెలలో పెన్షన్ తీసుకోకపోతే, రెండో నెలలో రెండు నెలల పెన్షన్ మొత్తాన్ని కలిపి అందిస్తారని, అలాగే రెండు నెలల పాటు వరుసగా పెన్షన్ తీసుకోకపోతే, మూడో నెలలో ఆ రెండు నెలల మొత్తాన్ని కలిపి మూడు నెలల పెన్షన్ మొత్తం ఒకేసారి అందించబడుతుందని తెలిపారు. మూడు నెలల పాటు వరుసగా పెన్షన్ తీసుకోకపోతే, వారిని శాశ్వత వలసదారులుగా గుర్తించి, వారి పెన్షన్ ఆపివేయడం జరుగుతుందని, వారు తిరిగి తమ స్వస్థలనికి వచ్చిన తర్వాత పెన్షన్ పునరుద్ధరణ కోసం దరఖాస్తు చేసుకుంటే, వారికి తిరిగి పెన్షన్ అందించబడుతుందని తెలిపారు. కావున పై విషయాలను పెన్షన్ దారులు గమనించాలని తెలిపారు.