ఉచిత కంప్యూటర్ శిక్షణ తరగతులు సద్వినియోగం చేసుకోండి

పాలిటెక్నిక్ కళాశాల ప్రిన్సిపాల్ సురేష్ బాబు
విశాలాంధ్ర ధర్మవరం : పట్టణములోని ప్రభుత్వ పాలిటెక్నిక్ కళాశాల (గుట్ట కింద పల్లి) లో ఆంధ్రప్రదేశ్ రాష్ట్ర నైపుణ్యాభివృద్ధి సంస్థ ఆధ్వర్యంలో స్కిల్ హబ్ ఏర్పాట్లు భాగంగా ఉచిత కంప్యూటర్ శిక్షణ తరగతులను నిర్వహిస్తున్నట్లు కళాశాల ప్రిన్సిపాల్ జిల్లా నైపుణ్యాభివృద్ధి అధికారి బి హరికృష్ణ తెలిపారు. అనంతరం వారు మాట్లాడుతూ ఈ శిక్షణా తరగతులు డిసెంబర్ రెండవ తేదీ నుండి ఆఫీస్ ఆపరేషన్ ఎగ్జిక్యూటివ్ కోర్సును ప్రారంభించడం జరుగుతుందని తెలిపారు. ఇందుకు పదవ తరగతి, ఇంటర్ ఉత్తీర్ణత, డిగ్రీ, పోస్ట్ గ్రాడ్యుయేట్, డిగ్రీలో బి ఎ అండ్ బీకాం చేసి ఆసక్తి కలిగిన యువతీ యువకులు నమోదు చేసుకోవాలని తెలిపారు. శిక్షణ అనంతరం ఉద్యోగ అవకాశమును కూడా కల్పించబడునని తెలిపారు కావున నిరుద్యోగ యువతీ యువకులు ఈ అవకాశమును సద్వినియోగం చేసుకోవాలని తెలిపారు. మరిన్ని వివరాలకు సెల్ నెంబర్ 9182288465కు కానీ నేరుగా కళాశాల యందు కూడా సంప్రదించవచ్చునని తెలిపారు.