పేద ప్రజల ఆరోగ్యమే మా లక్ష్యం..

శ్రీ చౌడేశ్వరి దేవి ఆలయ అభివృద్ధి సంఘం
విశాలాంధ్ర ధర్మవరం : పేద ప్రజల ఆరోగ్యమే మా లక్ష్యము అని శ్రీ చౌడేశ్వరి దేవి ఆలయ అభివృద్ధి సంఘం గౌరవ అధ్యక్షులు, క్యాంపు చైర్మన్ దాసరి వెంకటేశులు (చిట్టి), బంధనాదం చిన్నికృష్ణ, వేల్పుల వెంకటేష్ తెలిపారు. ఈ సందర్భంగా పట్టణంలోని తొగట వీధిలో గల శ్రీ శాంత కళ చౌడేశ్వరి దేవి ఆలయ ఆవరణములో 105వ ఉచిత వైద్య చికిత్స శిబిరమును నిర్వహించారు. ఈ సందర్భంగా వారు మాట్లాడుతూ ఈ శిబిరంలో దాతలుగా కీర్తిశేషులు వేల్పుల వెంకటమ్మ, కీర్తిశేషులు వేల్పుల బూసప్ప జ్ఞాపకార్థం వీరి కుమారుడు వేల్పుల వెంకటేశు అండ్ సన్స్ వారు వ్యవహరించడం పట్ల వారు ప్రత్యేక కృతజ్ఞతలను తెలియజేశారు. ప్రతినెల ఈ కార్యక్రమాన్ని దాతల సహాయ సహకారాలను తోనే నిర్వహిస్తున్నామని ఒక నెలకు సరిపడు మందులను కూడా పంపిణీ చేస్తున్నామని తెలిపారు. అదేవిధంగా వైద్యులైన డాక్టర్ వివేక్ కుళ్లాయప్ప, డాక్టర్ సతీష్ కుమార్, డాక్టర్ సుబ్రహ్మణ్యం-హైదరాబాద్, డాక్టర్ వినయ్ కుమార్ వారిచే రోగులకు వైద్య చికిత్సలను అందించడంతోపాటు ఆరోగ్యం పట్ల తీసుకోవలసిన జాగ్రత్తలను కూడా వివరించడం జరిగిందని తెలిపారు. ఈ శిబిరంలో 285 మంది రోగులు పాల్గొని వైద్య చికిత్సలు పొందడం జరిగిందని తెలిపారు. అదేవిధంగా ప్రతినెల 200 రూపాయలు చొప్పున 500 మందికి పెన్షన్ పేద ప్రజలకు గత కొన్ని సంవత్సరాలుగా పెన్షన్ రూపంలో అందించడం జరుగుతోందని తెలిపారు. ఈ కార్యక్రమంలో ఆలయ కమిటీ సభ్యులు బండి నాగరాజు, బండి ఆంజనేయులు, మేకల శివయ్య, మామిళ్ళ అశ్వత్త నారాయణ, పెద్దకోట్ల విజయ్ ,పెద్ద కోట్ల భాస్కర్, బండి మని,పవన్ కుమార్, రోగులు పాల్గొన్నారు.