ధర్మవరంలో కవితోత్సవ వేడుకలు..

నియోజకవర్గ అధ్యక్ష కార్యదర్శులు జయసింహ,సత్య నిర్ధారన్
విశాలాంధ్ర ధర్మవరం:: పట్టణంలోని బత్తలపల్లి రోడ్ పోలా ఫంక్షన్ హాల్ లో డిసెంబర్ ఒకటవ తేదీ ఉదయం 9:30 గంటలకు శ్రీ సత్య సాయి జిల్లా రచయితల సంఘం ఆధ్వర్యంలో ధర్మవరం కవితోత్సవ వేడుకలను(కవి సమ్మేళనం) నిర్వహిస్తున్నట్లు నియోజకవర్గ అధ్యక్షులు జయసింహ, ప్రధాన కార్యదర్శి సత్య నిర్ధారన్ తెలిపారు. ఈ సందర్భంగా వారు మాట్లాడుతూ జిల్లావ్యాప్తంగా రచయితల సంఘం దాదాపుగా రెండు సంవత్సరాల నుండి దేశభక్తి ,మతసామరస్యం, పర్యావరణ పరిరక్షణ అంశాలపై సాహితీ సామాజిక కార్యక్రమాలను నిర్వహించడం జరుగుతోందని తెలిపారు. ఇందులో భాగంగానే ధర్మవరంలో కవితా ఉత్సవాన్ని 100 మంది కవులతో నిర్వహిస్తున్నందుకు వారు సంతోషాన్ని వ్యక్తం చేశారు. ఈ కార్యక్రమం జిల్లా రచయితల సంఘం అధ్యక్షులు జాబిలి చాంద్బాషా నేతృత్వంలో నిర్వహిస్తున్నట్లు వారు తెలిపారు. ఈ కవితోత్సవములో చేనేత కష్టాలు, వృద్ధాప్య జీవిత అంశంపై 20 లైన్లకు మించని కవితలను పాటలను వినిపించవచ్చునని వారు తెలిపారు. ఈ కవితోత్సవానికి జాతీయ స్థాయిలో పేరు పొందిన సాహితీవేత్తలు, సామాజికవేత్తలు దాదాపుగా నూరు మంది కవులు కళాకారులు పాల్గొంటారని తెలిపారు. ఆసక్తి కలవారు సెల్ నెంబర్ 9440929894 గాని 9494018465కు గాని సంప్రదించవచ్చునని తెలిపారు. కావున ఇటువంటి అవకాశాన్ని అందరూ సద్వినియోగం చేసుకోవాలని తెలిపారు.