వీరభద్రుడి సన్నిధిలో ఎమ్మెల్యే విరుపాక్షి
విశాలాంధ్ర ఆస్పరి (కర్నూలు జిల్లా): మండల పరిధిలోని కైరిప్పల గ్రామంలో నూతనంగా నిర్మిస్తున్న శ్రీ పెద్దమ్మ అవ్వ ఆలయ నిర్మాణానికి ఆలూరు ఎమ్మెల్యే విరుపాక్షి లక్ష రూపాయలు, కురువ సంఘం రాష్ట్ర మహిళా నాయకురాలు శశికళ, కృష్ణమోహన్ దంపతులు రూ.16 వేలు విరాళంగా అందజేశారు. సోమవారం శ్రీ భద్రకాళి, వీరభద్ర స్వాముల వారి నిశ్చితార్థ వేడుకల్లో భాగంగా ఎమ్మెల్యే విరుపాక్షి, కురువ సంఘం రాష్ట్ర మహిళ నాయకురాలు వైయస్సార్సీపి నేత శశికళ, కృష్ణమోహన్ దంపతులు వీరభద్రుడి ఆలయంలో ప్రత్యేక పూజ కార్యక్రమాలు నిర్వహించారు. ఈ సందర్భంగా పెద్దమ్మ అవ్వ గుడి నిర్మాణ ప్రదేశాన్ని పరిశీలించి ఆలయ నిర్వహకులు, గ్రామ పెద్దలకు లక్ష రూపాయలు విరాళాన్ని అందజేశారు. అనంతరం ఎమ్మెల్యే మాట్లాడుతూ నిర్మాణం పూర్తయి ప్రారంభానికి సిద్దంగా ఉన్న ఆలయానికి గ్రామస్థులు అందరూ ముందుకు వచ్చి విరాళాలు అందచేయాలని పిలుపునిచ్చారు. ఈ కార్యక్రమంలో జడ్పిటిసి దొరబాబు, వైకాపా మండల కన్వీనర్ పెద్దయ్య, మాజీ కన్వీనర్ రామాంజనేయులు, సొసైటీ మాజీ చైర్మన్ కట్టెల గోవర్ధన్, సర్పంచ్ తిమ్మక్క తనయుడు మార్కెట్ యార్డ్ మాజీ డైరెక్టర్ బీటెక్ వీరభద్ర, వైయస్సార్సీపి సీనియర్ నాయకులు దత్తాత్రేయ రెడ్డి, మసాలా ప్రకాష్, అశోక్ నాయుడు, తెవులు ప్రకాష్, జీకే వీరేష్, కుక్కల రంగన్న, ఎంపీటీసీ లక్ష్మి భర్త లక్ష్మన్న, కృష్ణమూర్తి, వివిధ గ్రామాల సర్పంచులు, ఎంపీటీసీలు, మాజీ ప్రజాప్రతినిధులు, మండల వైకాపా నాయకులు, కార్యకర్తలు పాల్గొన్నారు.
