– సంక్షేమ బోర్డు లో క్లెయిమ్స్ పరిష్కారించాలి – సంఘం జిల్లా ప్రధాన కార్యదర్శి కోన లక్ష్మణ్
విశాలాంధ్ర-చోడవరం : కూటమి ప్రభుత్వం అధికారం లో వస్తే నిర్మాణ కార్మికులు సంక్షేమ బోర్డు పునరుద్దరణ చేస్తామన్న హామీ అమలు చేసి, పెండింగ్ లో ఉన్న క్లైములు వెంటనే పరిష్కరించాలని ఏపీ భవన నిర్మాణ కార్మిక సంఘం ఏఐటీయూసీ అనకాపల్లి జిల్లా ప్రధాన కార్యదర్శి కోన లక్ష్మణ డిమాండ్ చేశారు.
స్థానిక వినాయక గుడి వద్ద శ్రీ బాల గణపతి తాపీ మేస్త్రి సంఘం అధ్యక్షులు కోన నూక రాజు అధ్యక్షతన ఆదివారం రాత్రి జరిపిన సమావేశం లో ఆయన మాట్లాడుతూ గత ఎన్నికలు మందు సంక్షేమ బోర్డు పునరుద్ధరణపై నిర్ధిష్ట హామీలు ఇచ్చి, అధికారంలోకి వచ్చిన కూటమి ప్రభుత్వం ఇప్పుడు పరిశీలిస్తామని చెప్పడం మాట మార్చడమేనని ధ్వజమెత్తారు. గతంలో వై.ఎస్ జగన్ ప్రభుత్వం ఇచ్చిన జీవో 17 ద్వారా
ఇతర పధకాలు కు దారి మళ్లించే ఉత్తర్వులను తక్షణం ఉపసంహరించుకోవాల న్నారు. దారి మళ్ళించిన నిధులను కార్మిక సంక్షేమ బోర్డు ఖాతా లో జమ చేయాలని డిమాండ్ చేశారు. ఎన్నికల సమయంలో కార్మిక సంక్షేమ బోర్డు పునరుద్ధరణకు రూ.కోటి సొంత నిధులు ఇస్తామని రాష్ట్ర ఉప ముఖ్యమంత్రి పవన్ కల్యాణ్ ఇచ్చిన మాట నిలబెట్టుకోవాలని కోరారు. సంక్షేమ బోర్డును వెంటనే పునరుద్ధరించి కార్మికులు కు సంక్షేమ పధకాలు అమలు చేయాలని, లేకుంటే ఆందోళనలు ఉదృతం చేస్తామని హెచ్చరించారు. ఈ సమావేశం లో నారం మధు ప్రసాద్, బొంతు దేముడు, నౌడు అప్పారావు, గువ్వల కనకరావు, వోలు శ్రీను, నాగిరెడ్డి గోవింద, గువ్వా నాగేశ్వరరావు, ధరిమిశెట్టి అప్పారావు తదితరులు పాల్గొన్నారు.
