కరూర్ ఘటన తర్వాత తిరిగి ప్రచారాన్ని ప్రారంభించేందుకు సిద్ధమైన తమిళగ వెట్రి కజగం (TVK) అధినేత విజయ్ (vijay)కి మరోసారి ఎదురుదెబ్బ తగిలింది.డిసెంబర్ 4న సేలంలో జరగాల్సిన ప్రజా సమావేశానికి పోలీసుల నుంచి వచ్చిన అనుమతి దరఖాస్తును తిరస్కరించారు.మొదట ఈ తేదీల్లో భద్రతా సమస్యల కారణంగా అనుమతి ఇవ్వలేమని పోలీసులు పేర్కొన్నారు. కానీ పార్టీకి పంపిన అధికారిక లేఖలో భిన్నమైన కారణాలు పేర్కొనడంతో విషయం మరింత ఆసక్తి రేపింది.భద్రతా సిబ్బంది వివరాలు లేకపోవడం, సభకు ఎంతమంది హాజరవుతారన్న స్పష్టమైన అంచనా ఇవ్వకపోవడం వంటి అంశాలను ఆధారంగా చూపుతూ అనుమతి నిరాకరించామని పోలీసులు స్పష్టం చేశారు.
నాలుగు వారాలు ముందుగానే దరఖాస్తు సమర్పించాలి
అలాగే, భవిష్యత్తులో విజయ్ ప్రజా సమావేశాల కోసం అనుమతి కోరాలంటే, కార్యక్రమానికి కనీసం నాలుగు వారాల ముందుగానే దరఖాస్తు సమర్పించాలని సూచించారు.ఈ పరిణామాల నేపథ్యంలో, సేలం సభకు ప్రత్యామ్నాయ తేదీల కోసం త్వరలోనే కొత్త దరఖాస్తు చేస్తామని టీవీకే వర్గాలు వెల్లడించాయి.
సేలం తర్వాత ఈరోడ్, కృష్ణగిరి, ధర్మపురి జిల్లాల్లో కూడా విజయ్ ప్రచార ప్రణాళికలు ఉన్నాయని సమాచారం.
