మానవతా విలువలు పెంచేందుకు ప్రతి ఒక్కరూ కృషి చేయాలి

తారక్ చేయూత ట్రస్ట్ అధ్యక్షులు రామాంజి
విశాలాంధ్ర ధర్మవరం;; మానవతా విలువలు పెంచేందుకు ప్రతి ఒక్కరూ కృషి చేయాలని తారక్ చేయుట ట్రస్ట్ అధ్యక్షులు రామాంజి తెలిపారు. ఈ సందర్భంగా వారు మాట్లాడుతూ మా తారక్ చేయూత ట్రస్ట్ గత కొన్ని సంవత్సరాలుగా సేవా కార్యక్రమాలను చేస్తోందని, కరోనా సమయంలో తాము చేపట్టిన సేవా కార్యక్రమాలకు ఎంతోమంది దాతలు ముందుకొచ్చి మాకు సహకరించడం మాకు ధైర్యాన్ని ఇచ్చిందని తెలిపారు. ఇందులో భాగంగానే ధర్మవరం పట్టణంలోని శ్రీ లలిత నాట్య కళానికేతన్ నాట్య గురువులు బాబు బాలాజీ యొక్క కుమార్తె ఆశ శ్రీ పుట్టినరోజు సందర్భంగా, తారక్ చేయుట ట్రస్ట్ ఆధ్వర్యంలో పట్టణములోని రాజేంద్రనగర్లో గల అనాధాశ్రమంలో వృద్ధులకు అన్నదానముతో పాటు దుప్పట్లు కూడా వారి చేతుల మీదుగా పంపిణీ చేయడం జరిగిందన్నారు. దాతలు ముందుకు వస్తే మరిన్ని సేవా కార్యక్రమాలను చేపడతామని తెలిపారు. అనంతరం డాన్స్ మాస్టర్ బాబు బాలాజీ మాట్లాడుతూ తారచయిత ట్రస్ట్ యొక్క సేవలు అనన్యమైనవని, దాతలు తమకున్న దానిలో ట్రస్ట్ వారికి సహకరించాల్సిన బాధ్యత ఎంతైనా ఉందని తెలిపారు. అనంతరం అనాధాశ్రమ నిర్వాహకులు తారక్ చేయిత ట్రస్ట్ వారికి, డాన్స్ మాస్టర్ బాబు బాలాజీ కి కృతజ్ఞతలు తెలిపారు. ఈ కార్యక్రమంలో హర్ష శ్రీ, రామ లాలీత్య తదితరులు పాల్గొన్నారు.