గ్రామాలను స్వర్ణ పంచాయతీలుగా తీర్చి దిద్దాలి

విశాలాంధ్ర –తాడేపల్లిగూడెం రూరల్ : అధికారులు పాలకులు సమన్వయంతో పనిచేసి గ్రామాలను స్వర్ణ పంచాయతీలుగా తీర్చిదిద్దాలని ఇన్చార్జ్ ఎంపీడీవో వెంకటేష్ అన్నారు శుక్రవారం మహిళా సమైక్య భవనంలో సచివాలయ సిబ్బంది శిక్షణ ముగింపు కార్యక్రమాన్ని నిర్వహించారు ఈ సందర్భంగా ఇన్చార్జి ఎంపీడీవో
ఎం వెంకటేష్ మాట్లాడుతూ గ్రామాల అభివృద్ధి లక్ష్యంగా ప్రభుత్వం పనిచేస్తుందన్నారు ప్రభుత్వం అందిస్తున్న ఆర్థిక వనరులను సద్వినియోగం చేసుకుని పాలకులు అధికారులు సమన్వయంతో స్వర్ణ పంచాయతీలుగా తీర్చిదిద్దేందుకు కృషి చేయాలి అన్నారు గ్రామాల్లో ప్రజలకు కావలసిన మౌలిక వసతులపై ప్రత్యేక దృష్టి పెట్టాలన్నారు పారిశుధ్యం పై ప్రత్యేక దృష్టి పెడితే ఆరోగ్యవంతమైన గ్రామాలు నిర్మాణం అవుతాయన్నారు శిక్షణ కార్యక్రమం ముగింపు సందర్భంగా గ్రామ పంచాయతీల అభివృద్ధిపై పలు సూచనలు చేశారు. ఈ సందర్భంగా ప్రభుత్వ పథకాలు, శాఖలో ఉన్న విభాగాల పై అవగాహన కల్పించారు. రాబోయే రోజుల్లో గ్రామాల సుస్థిర అభివృద్ధికి ముందుకు సాగాలని సూచించారు. ఈ కార్యక్రమంలో ఆర్డబ్ల్యూసీ రాజా శ్రీనివాస్, సర్పంచులు మద్దుకూరి గంగాభవాని, కుడవల్లి హనుమంతు, తాడేపల్లి బేబీ, బొనిగే పోతన్న, ములకల సూర్యారావు,ఆరుగులను శ్రీనివాస్, పీహెచ్సీ వైద్యులు, సచివాలయం సిబ్బంది పాల్గొన్నారు.