శ్రీ సత్య సాయి జిల్లా సబ్ జూనియర్, జూనియర్ బాలుర హాకీ జట్ల ఎంపిక పోటీలు..

హాకీ ఆంధ్రప్రదేశ్ ఉపాధ్యక్షులు, హాకీ శ్రీ సత్యసాయి జిల్లా అసోసియేషన్ కార్యదర్శి బి. సూర్యప్రకాష్.
విశాలాంధ్ర ధర్మవరం;; పట్టణంలోని ప్రభుత్వ బాలుర పాఠశాల క్రీడా మైదానంలో ఈనెల 22వ తేదీ ఆదివారం ఉదయం 9 గంటలకు శ్రీ సత్యసాయి జిల్లా సబ్ జూనియర్, జూనియర్ బాలుర హాకీ జట్ల ఎంపికలు నిర్వహిస్తున్నట్లు ఏపీ హాకీ ఉపాధ్యక్షులు, హాకీ శ్రీ సత్య సాయి జిల్లా అసోసియేషన్ కార్యదర్శి బి. సూర్యప్రకాష్ తెలిపారు. అనంతరం వారు మాట్లాడుతూ ఈ క్రీడా మైదానంలో ఎంపికైన సబ్ జూనియర్ బాలుర జట్టు హాకీ ఆంధ్రప్రదేశ్ ఆధ్వర్యంలో జనవరి 17వ తేదీ నుండి 20వ తేదీ వరకు మదనపల్లిలో జరుగు సబ్ జూనియర్ హాకీ పోటీల్లో పాల్గొంటారని తెలిపారు. జూనియర్ పోటీల వేదిక త్వరలో ప్రకటిస్తామని ఈ ఎంపిక పోటీలలో పాల్గొనుబోవు సబ్ జూనియర్ క్రీడాకారులు01-01-2009తర్వాత జన్మించి ఉండాలని, జూనియర్ క్రీడాకారులు 01-01-2006 తర్వాత జన్మించి ఉండాలని, క్రీడాకారులు తమ వెంట ఆధార్ కార్డు బర్త్ సర్టిఫికెట్ వెంట తీసుకొని రావాలని తెలిపారు. ఈ అవకాశమును ఆసక్తిగల హాకీ క్రీడాకారులు సద్వినియోగం చేసుకోవాలని తెలిపారు.