అమెరికా అధ్యక్షుడు డొనాల్డ్ ట్రంప్ గ్రీన్లాండ్ భద్రతపై రష్యా, చైనా నుంచి ముప్పు ఉందని ఇటీవల ఆరోపించిన సంగతి తెలిసిందే. దీనిపై రష్యా అధ్యక్షుడు వ్లాదిమిర్ పుతిన్ తాజాగా స్పందించారు.
ఆయన గ్రీన్లాండ్ వ్యవహారంలో రష్యాకు ఎలాంటి సంబంధం లేదని స్పష్టం చేశారు.
రష్యాలో జరిగిన ఒక కార్యక్రమంలో పుతిన్ మాట్లాడుతూ, ఈ సమస్యను అమెరికా, డెన్మార్క్లు తాము కలిసి పరిష్కరించగలరని ఆశిస్తున్నామన్నారు.డెన్మార్క్ గ్రీన్లాండ్ను వారి సమగ్రభాగంగా మాత్రమే భావిస్తున్నారని, దానిపై ఏ విధమైన వివక్ష చూపడం లేదని ఆయన పేర్కొన్నారు.
అయితే, ఈ వ్యవహారంపై రష్యాకు ఎటువంటి ఆసక్తి లేదని పుతిన్ వెల్లడించారు.
ఇతర దేశాల భూభాగాలు అమెరికా స్వాధీనం
అంతేకాదు, ఇతర దేశాల భూభాగాలను అమెరికా స్వాధీనం చేసుకోవడంలో సుదీర్ఘ చరిత్ర కలిగి ఉందని ఆయన గుర్తుచేశారు.గ్రీన్లాండ్ను కొనేందుకు దాదాపు 1 బిలియన్ డాలర్లు అవసరమవుతాయని, కానీ అమెరికాకు అది భరించగల సామర్థ్యం ఉందని వ్యాఖ్యానించారు.ఈ సందర్భంలో 1867లో రష్యా అలాస్కాను 7.2 మిలియన్ డాలర్లకు యూఎస్కి అమ్మిన చరిత్రను ఆయన గుర్తు చేశారు.
శాంతి మండలిపై విభిన్న ప్రకటనలు..
గాజా పునర్నిర్మాణానికి సంబంధించి ట్రంప్ ఁశాంతి మండలిఁని ఏర్పాటు చేసిన విషయం తెలిసిందే.
దీని సభ్యులలో చేరేందుకు పుతిన్ అంగీకరించినట్లు ట్రంప్ ప్రకటించారు. అయితే, పుతిన్ తాజాగా ఈ ప్రతిపాదనను ఇంకా పరిశీలించాల్సి ఉందని స్పష్టీకరించారు.వ్యూహాత్మక భాగస్వాములతో సంప్రదించిన తర్వాతే తాము నిర్ణయం తీసుకుంటామని ఆయన తెలిపారు.ఈ క్రమంలో, మండలిలో శాశ్వత సభ్యత్వానికి అమెరికా ఇప్పటికే స్థంభింపజేసిన తమ ఆస్తుల నుంచి 1 బిలియన్ డాలర్లు విరాళంగా ఇవ్వనున్నట్లు తెలిపారు.
