ఏపీ ఆటో వర్కర్స్ ఫెడరేషన్ రాష్ట్ర ఉప ప్రధాన కార్యదర్శి ఏ మల్లికార్జున
అనంతపురం విశాలాంధ్ర : ఆటో డ్రైవర్లకు ప్రత్యేక సంక్షేమ బోర్డు ఏర్పాటు చేయాలని ఏపీ ఆటో వర్కర్స్ ఫెడరేషన్ రాష్ట్ర ఉప ప్రధాన కార్యదర్శి ఏ మల్లికార్జున సోమవారం అర్బన్ ఎమ్మెల్యే దగ్గుపాటి వెంకటేశ్వర ప్రసాద్ కు వినతి పత్రం అందజేశారు. ఈ సందర్భంగా ఆయన మాట్లాడుతూ… గత ప్రభుత్వంలో ఫైన్లను పెంచుతూ విడుదల చేసిన జీవో నెంబర్ 21 రద్దు చేయాలని డ్రైవర్లకు ప్రత్యేక సంక్షేమ బోర్డు ఏర్పాటు చేయాలని, 50 ఏళ్లకే పెన్షన్ ఇవ్వాలని, డ్రైవర్ల సాధికారత సంస్థ ఏర్పాటు చేసి సంవత్సరానికి రూ.15 వేలు పథకాన్ని అమలు చేయాలన్నారు. ప్రస్తుతం పోలీసు ఆర్టిఏ దాడులు ఎక్కువయ్యాయని దాడులు తగ్గించాలని ఎమ్మెల్యే ని కోరడం జరిగిందన్నారు. ఎమ్మెల్యే దగ్గుబాటి వెంకటేశ్వర ప్రసాద్ స్పందిస్తూ ఈ విషయాన్ని ముఖ్యమంత్రి చంద్రబాబు నాయుడు దృష్టికి తీసుకువెళ్లి పరిష్కారం దిశగా ఆలోచన చేస్తామని హామీ ఇచ్చారు. ఈ కార్యక్రమంలో ఏఐటియుసి జిల్లా అధ్యక్షులు రాజేష్, నగర ప్రధాన కార్యదర్శి కృష్ణుడు, ఆటో యూనియన్ అధ్యక్ష ఉప ప్రధాన కార్యదర్శిలు రాజు, కృష్ణా నాయక్,రహంతుల్లా, భాష తదితరులు పాల్గొన్నారు.
