సింగమనేనిపల్లె గ్రామంలో ఘనంగా క్రిస్మస్ వేడుకలు
ముఖ్యఅతిథిగా పాల్గొన్న కందుకూరు శాసనసభ్యులు ఇంటూరి నాగేశ్వరరావు
విశాలాంధ్ర -వలేటివారిపాలెం : వలేటివారిపాలెం మండలం సింగమనేనిపల్లి గ్రామంలో సోమవారం సాయంత్రం ముట్లూరి నతానియేలు ఆహ్వానం మేరకు నూతనంగా నిర్మించిన హోలీ స్పిరిట్ ఒలీవా మినిస్ట్రీస్ ప్రార్థన మందిరం ను కందుకూరు శాసనసభ్యులు ఇంటూరి నాగేశ్వరరావు ప్రారంభించారు.
ఈ కార్యక్రమానికి ముఖ్యఅతిథిగా కందుకూరు శాసనసభ్యులు నాగేశ్వరావు పాల్గొని అక్కడ ఏర్పాటు చేసిన సెమీ క్రిస్మస్ వేడుకల్లో పాల్గొన్నారు.ముందుగా క్యాండిల్స్ వెలిగించి క్రిస్మస్ కేక్ కట్ చేసి క్రిస్టియన్ సోదరులకు క్రిస్మస్ శుభాకాంక్షలు తెలిపారు. ఈ సందర్బంగా ఎమ్మెల్యే మాట్లాడుతూ…. శాంతికి చిహ్నమైన క్రిస్మస్ పండుగను క్రిస్టియన్ సోదరులందరూ సుఖ సంతోషాలతో జరుపుకోవాలని ఆకాంక్షించారు.ఈ కార్యక్రమంలో గ్రామ సర్పంచ్ అత్తోట వెంకటేశ్వర్లు, బత్తిన మాల్యాద్రి, గోచిపాతల మోషే, కసుకుర్తి నవరత్నం, దువ్వూరి రమేష్, గౌడపేరు ప్రసాదరావు గౌడపేరు అనిల్ బాబు, కట్ట శ్రీనివాసులు మరియు ఇతర నాయకులు తదితరులు పాల్గొన్నారు.
