ఘనంగా జరిగిన సైన్స్ ఎగ్జిబిషన్. ఇన్చార్జ్ హెడ్మాస్టర్ రఫీక్

విశాలాంధ్ర ధర్మవరం;! పట్టణంలోని ప్రభుత్వ ఉన్నత పాఠశాలలో మండల స్థాయి సైన్స్ ఎగ్జిబిషన్ ను నిర్వహించడం జరిగిందని ఇంచార్జ్ హెడ్మాస్టర్ రఫీక్ తెలిపారు. ఈ సందర్భంగా వారు మాట్లాడుతూ డీఈఓ ఆదేశాల మేరకు ఈ సైన్స్ ఎగ్జిబిషన్ నిర్వహించడం జరిగిందని, ఈ ఎగ్జిబిషన్లో పట్టణము మండలములోని ప్రభుత్వ ఉన్నత పాఠశాలల నుండి 41 ప్రదర్శనలను ఉపాధ్యాయుల సహకారంతో ప్రదర్శించడం జరిగిందన్నారు. ఈ ప్రదర్శనలో ఇండివిడ్యువల్ ప్రాజెక్ట్స్ నుండి ఒకటి గ్రూపు ప్రాజెక్ట్ నుండి మరొకటి టీచర్ ప్రొజెక్ట్స్ నుండి ఒకటి చొప్పున జూరి మెంబర్స్ జిల్లా స్థాయికి ఎంపిక చేయడం జరిగిందన్నారు. మంచి ప్రతిభ కనబరిచిన ప్రదర్శనలో ఇండివిడ్యువల్ సైన్స్ ప్రాజెక్ట్ లో జి. ప్రణీత్-బిఎస్సార్ బాయ్స్ హై స్కూల్- ధర్మవరం, గ్రూప్ లెవెల్ సైన్స్ ప్రాజెక్ట్ నుండి ఎస్. యాస్మిన్, జిబి. పూజా మయి-కేజీబీవీ మోటుమర్ల ధర్మవరం, టీచర్ ప్రాజెక్ట్స్ నుండి ఎన్ రాజేంద్ర ప్రసాద్-జడ్.పి.హెచ్.ఎస్ దర్శనమల అను వీరు జిల్లాస్థాయి వైజ్ఞానిక ప్రదర్శనకు ఎంపిక కావడం జరిగిందన్నారు. ఎన్నికైన వారందరికీ ఇన్చార్జి అత్యంత పాటు తోటి ఉపాధ్యాయ బృందం అభినందనలు తెలియజేశారు. అనంతరం విజేతలకు బహుమతి ప్రధానం నిర్వహించారు. ఈ కార్యక్రమంలో ఉపాధ్యాయులు వేణుగోపాల్, ప్రసాద్, రంగయ్య, రామకృష్ణ, హరికృష్ణ ,నాగేంద్ర, లీలావతి, నాగరాజు, శ్రీనివాసులు పాల్గొన్నారు.