కార్మిక వ్యతిరేక లేబర్ చట్టాలను ఉపసంహరించుకోవాలి…
చేతి వృత్తిదారుల సమాఖ్య రాష్ట్ర వర్కింగ్ ప్రెసిడెంట్ లింగమయ్య
విశాలాంధ్ర -అనంతపురం : కార్మిక వ్యతిరేక లేబర్ చట్టాలను ఉపసంహరించు కోవాలని చేతి వృత్తిదారుల సమాఖ్య రాష్ట్ర వర్కింగ్ ప్రెసిడెంట్ లింగమయ్య డిమాండ్ చేశారు. కార్మిక రైతాంగ వ్యతిరేక విధానాలు నిరసిస్తూ. దేశవ్యాప్తంగా 500 కలెక్టరేట్ కార్యాలయం వద్ద కార్మిక రైతాంగ చేతి వృత్తిదారుల సమైక్య యువజన విద్యార్థి సంఘాలు,కార్మిక, చేనేత, యువజన మహిళా సంఘాల నాయకులు మంగళవారం స్థానిక లలిత కళ పరిషత్ నుంచి కలెక్టరేట్ వరకు భారీ ర్యాలీ నిర్వహించారు. ఈ సందర్భంగా చేతి వృత్తిదారుల సమాఖ్య రాష్ట్ర వర్కింగ్ ప్రెసిడెంట్ లింగమయ్య మాట్లాడుతూ… కేంద్ర రాష్ట్ర ప్రభుత్వాలు రైతాంగ కార్మిక మహిళ వ్యతిరేకంగా అనేక చట్టాలను రూపొందిస్తోందన్నారు. ప్రజలు కాంక్ష ప్రజాజీవన అభివృద్ధి కోసం పాటుపడకుండా పెట్టుబడిదారీ వ్యవస్థను పెంచి పోషించే విధంగా ఈరోజు ప్రభుత్వ రంగ స్థలాలను వేలంపాటలో అమ్మడానికి ప్రయత్నం చేస్తానని చెప్పడం జరిగిందన్నారు. రాష్ట్రంలో రోజురోజుకీ నిరక్షరాస్యత నిరుద్యోగం పెరుగుతున్న సమయంలో ఆ వైపున చట్టాలను తీసుకురాకుండా రైతాంగ నల్ల చట్టాలతో రైతుల్ని ఇబ్బంది పెట్టే విధంగా లేబర్ చట్టాల సవరణ ద్వారా లేబర్ కోడ్ ని ఉల్లంఘికంగా కార్మికులకు వ్యతిరేకంగా అనేక చట్టాలను రూపొందిస్తానని కార్మిక బోర్డు ఏర్పాటు చేసి వాళ్లకు నిధులు కేటాయించకుండా వారికి పనిముట్లు కూడా ఇవ్వడం లేదన్నారు. ఈరోజు కేంద్ర ప్రభుత్వం ఒక నిరంకుశ వైఖరితో ధోరణితో అనేక ప్రయత్నాలు చేస్తూ దేశ ప్రజలను ఓట్ల రూపంలో ఓటుగానే చూస్తున్నారని వారి జీవన ప్రమాణాన్ని మెరుగుపరిచే ప్రయత్నం చేయట్లేదని పేర్కొన్నారు. ఇప్పటికైనా ఆ కార్మిక వ్యతిరేక లేబర్ చట్టాలని ఉపసంహరించుకొని రైతాంగ కార్మిక వ్యతిరేక చట్టాలను ఉపసంహరించుకొని ఆ సంఘాలకు సంఘాలకు ఉపయోగపడే విధంగా ప్రభుత్వాలు ప్రయత్నించాలన్నారు . చేతి వృత్తిదారులకు ఉపాధి అవకాశాలు కల్పించి వాళ్ళకి విధులు కేటాయించే విధంగా రాష్ట్ర కేంద్ర ప్రభుత్వాలు తమ బడ్జెట్లో నిధులు కేటాయించాలని కోరుతూ ఇలాంటి నిరంకుశ నిర్లక్ష్య ధోనిని విడనాడాలని ప్రభుత్వాన్ని హెచ్చరించారు. ఈ కార్యక్రమంలో ఏఐవైఎఫ్ యువజన సమాఖ్య జిల్లా కార్యదర్శి సంతోష్,గొర్లు మేకల పెంపకదారుల సంఘం రాష్ట్ర కార్యదర్శి పోతలయ్య, చేతి వృత్తిదారుల సమాఖ్య జిల్లా కార్యదర్శి సి.వి.హరి కృష్ణ,జిల్లా ఉపాధ్యక్షుడు నాగప్ప, రైతు సంఘం నాయకులు రామాంజనేయులు, నాయకులు వీరాంజి , యువజన సమాఖ్య నాయకులు తదితరులు పాల్గొన్నారు.
