-మండల ఇంఛార్జి ధర్మవరపు మురళీ
విశాలాంధ్ర-రాప్తాడు : మండలంలోని బొమ్మేపర్తి నుండి గొందిరెడ్డిపల్లి వరకు రాకపోకలు సాగించేందుకు ప్రజలు ఎదుర్కొంటున్న దశాబ్దాల రహదారి సమస్యకు ఎమ్మెల్యే పరిటాల సునీత శాశ్వత పరిష్కారం చూపించారని టీడీపీ మండల ఇంఛార్జి ధర్మవరపు మురళీ అన్నారు. సోమవారం ఆయన ఎంపీడీఓ బుల్లే విజయలక్ష్మి, మండల కన్వీనర్ పంపు కొండప్ప, ప్రధాన కార్యదర్శి దగ్గుపాటి శీనా, గొందిరెడ్డిపల్లి సర్పంచ్ మిడతల శీనయ్య, ఎంపీటీసీ జాఫర్, తెలుగు యువత మండల అధ్యక్షుడు ఆర్.రాజశేఖర్ రెడ్డితో కలిసి రూ.10లక్షలతో బొమ్మేపర్తి నుంచి గొందిరెడ్డిపల్లి వరకు 1600మీటర్ల మట్టి రోడ్డు పనులను భూమి పూజ చేసి ప్రారంభించారు. మురళీ మాట్లాడుతూ గత వైసీపీ హయాంలో గ్రామాల అభివృద్ధిని గాలికి వదిలేశారని విమర్శించారు. ప్రజలు రాకపోకలు సాగించడానికి టీడీపీ హయాంలో గ్రామాల అభివృద్ధికి శ్రీకారం చుట్టామన్నారు. కార్యక్రమంలో పీఆర్ డీఈ లక్ష్మీనారాయణ, ఈఓఆర్డీ ఆనందప్రసాద్, పంచాయతీ కార్యదర్శి మాహబూబ్ జాన్, వైస్ సర్పంచ్ అశ్వర్థప్ప, ఫీల్డ్ అసిస్టెంట్ ఎం.శ్రీనివాసులు, తిరుపతిరెడ్డి, మోహన్ రెడ్డి తదితరులు ఉన్నారు.
