పాఠకులకు అన్ని సౌకర్యాలు కల్పించాలి..

జిల్లా గ్రంధాలయ ముఖ్య కార్యదర్శి రమ
విశాలాంధ్ర -ధర్మవరం:: పాఠకులు అందరికీ అన్ని సౌకర్యాలు కల్పిస్తూ గ్రంథాలయ అభివృద్ధికి మంచి గుర్తింపు తీసుకొని రావాలని జిల్లా గ్రంథాలయ శాఖ ముఖ్య కార్యదర్శి రమా తెలిపారు. ఈ సందర్భంగా వారు పట్టణములోని బాబు జగ్జీవన్ రామ్ నగర్ లో గల ప్రధాన గ్రంథాలయ శాఖను ఆకస్మికంగా తనిఖీ చేశారు. అనంతరం పలు రికార్డులను వారు పరిశీలించారు. గ్రంధాలయ పండు బకాయిలను వెంటనే వసూలు చేయాలని వారు ఆదేశించారు. అంతేకాకుండా పాఠకుల సభ్యత్వములు పెంచేలా కృషి చేయాలని తెలిపారు. పాటకల నుండి ఎటువంటి ఫిర్యాదులు అందకుండా తగిన జాగ్రత్తలు తీసుకోవాలని తెలిపారు. గ్రంథాలయ రికార్డులు సక్రమంగా ఉన్నాయని తెలుపుతూ సంతృప్తిని వ్యక్తం చేశారు. ఈ కార్యక్రమంలో గ్రంథాలయ అధికారిని అంజలీ సౌభాగ్యవతి, సిబ్బంది సత్య నారాయణ, శివమ్మ, రమణ నాయక్, గంగాధర్ తో పాటు అధిక సంఖ్యలో పాఠకులు పాల్గొన్నారు.