చదువుతోపాటు కరాటే విద్య జీవితంలో ఎంతో ఉపయోగపడుతుంది..

కరాటే మాస్టర్ ఇనాయత్ భాష
విశాలాంధ్ర ధర్మవరం;; విద్యార్థులందరూ కూడా చదువుతోపాటు కరాటే విద్య కూడా నేర్చుకొని మంచి జీవితాన్ని గడపాలని కరాటే మాస్టర్ ఇనాయత్ భాష తెలిపారు. ఈ సందర్భంగా పట్టణంలోని కొత్తపేట పురపాలక బాలికల ఉన్నత పాఠశాలలో బెల్ట్ గ్రేడింగ్ కార్యక్రమాన్ని నిర్వహించడం జరిగింది. ఈ కార్యక్రమానికి ముఖ్య అతిథులుగా మాంగల్య సిల్క్స్ జింక పురుషోత్తము, సీనియర్ బ్లాక్ కలర్స్ హశ్విక, అబూబకర్ పాల్గొన్నారు. అనంతరం వీరి చేతులు మీదుగా కరాటే విద్యార్థులకు బెల్టు, ఎల్లో, ఆరెంజ్,గ్రీన్,బ్లూ పాటు ప్రశంసా పత్రాలను అందజేశారు. అనంతరం ముఖ్య అతిథులు మాట్లాడుతూ ప్రతి ఒక్కరూ కరాటే నేర్చుకొని ఆరోగ్యాన్ని కాపాడుకుంటూ ఆత్మ రక్షణకు ఎంతగానో ఉపయోగపడుతుందని తెలిపారు. తల్లిదండ్రులు తమ పిల్లలను చదువుతోపాటు కరాటే కూడా నేర్పించాలని తెలిపారు. ఇటువంటి అవకాశాన్ని తల్లిదండ్రులు సద్వినియోగం చేసుకోవాలని తెలిపారు.