ఇంగ్లీష్ అధ్యాపకునికి ఘన సన్మానం చేసిన పూర్వ విద్యార్థులు

విశాలాంధ్ర ధర్మవరం:: పట్టణంలోని దాసరి వెంకటేశులు (చిట్టి) గెస్ట్ హౌస్ ప్రాంగణంలో1976-78 సంవత్సరంలో ప్రభుత్వ జూనియర్ కళాశాలలో ఇంటర్మీడియట్ చదివిన విద్యార్థులు పూర్వ విద్యార్థుల సభలో, ఆనాటి ఆంగ్లం అధ్యాపకులు ఎం.సాయినాథ్ ను 30 మంది పూర్వ విద్యార్థులు కలిసి గురువుగారికి సన్మాన కార్యక్రమాన్ని నిర్వహించారు. ఇందులో భాగంగా ధర్మవరానికి సతి సమేతంగా వచ్చిన ధర్మవరంలో నిర్వహిస్తున్న ఆంజనేయస్వామి విగ్రహ ప్రతిష్ట కార్యక్రమంలో భాగంగా రావడం జరిగిందని పూర్వ విద్యార్థులు తెలిపారు. తల్లం నారాయణమూర్తి తక్కువ సమయంలో 30 మంది పూర్వ విద్యార్థులను కలపడం జరిగిందని తెలిపారు. తదుపరి పూర్వ విద్యార్థులు ఒకరినొకరు ఆప్యాయంగా పలకరించుకొని ఉద్వేగానికి లోనయ్యారు. గురువును సత్కరించిన తర్వాత పూర్వ విద్యార్థులందరూ కూడా ఆశీర్వాదం పొందారు. ఈ సందర్భంగా గురువు సాయినాథ దంపతులు మిక్కిలి ఆనందముతో భావోద్వేగానికి గురయ్యారు. ఈ వయసులో నాకు నా విద్యార్థులు సన్మానం చేయడం జీవితంలో మరుపు రానిదని వారు తెలిపారు. తదుపురి ఆనందంగా గురువుకు వీడ్కోలు పలికారు. ఈ కార్యక్రమంలో దాసరి చిట్టిని ,తెల్లం నారాయణమూర్తిని తోటి విద్యార్థులు గురు దంపతులు అభినందించారు.