బిజెపి పట్టణ, రూరల్ నూతన అధ్యక్షులు ఎంపిక

విశాలాంధ్ర ధర్మవరం;; బిజెపి పార్టీ సంస్థాగత ఎన్నికల్లో భాగంగా స్థానిక బిజెపి కార్యాలయంలో ధర్మవరం పట్టణ, రూరల్ మండల అధ్యక్షులు ఎన్నిక కోసం సమావేశాన్ని ఏర్పాటు చేయడం జరిగింది. ఈ సమావేశానికి పట్టణ పోలింగ్ బూత్ అధ్యక్షులు పార్టీ నాయకులు పాల్గొని, అనంతరం బిజెపి ధర్మవరం పట్టణ అధ్యక్షుడిగా జింకా చంద్రశేఖర్, రూరల్ అధ్యక్షుడిగా సాకే చంద్రశేఖర్ను ఏకగ్రీవంగా ఎన్నుకోవడం జరిగింది. ఎన్నికైన వారు మాట్లాడుతూ పార్టీ అప్పగించిన బాధ్యతను సమర్థవంతంగా నిర్వర్తించి పార్టీ పటిష్టత కోసం కృషి చేస్తామని తెలియజేశారు. తమ ఎన్నికల కోసం సహకరించిన మంత్రి సత్య కుమార్కు, కార్యాలయ ఇంచార్జ్ హరీష్ బాబుకు, జిల్లా అధ్యక్షులు శేఖర్ కు, అంబటి సతీష్ కు, జిల్లా ఉపాధ్యక్షులు సాకే ఓబులేసుకు కృతజ్ఞతలు తెలియజేశారు. ఈ కార్యక్రమంలో గూండా పుల్లయ్య, డోలా రాజారెడ్డి, శ్యామ్ రావు, గిర్రాజు నగేష్, భక్తవత్సలం, నాగభూషణ, నవీన్ కుమార్, మహేష్, ప్రజాపతి ,రాయుడు, రామాంజనేయులు ,మంజుల ,మహాలక్ష్మి, రాధమ్మ, పోలింగ్ బూత్ అధ్యక్షులు, నాయకులు, కార్యకర్తలు పాల్గొన్నారు.