శబరిమలకు ధర్మవరం అయ్యప్ప భక్తులు సైకిల్ యాత్ర..

విశాలాంధ్ర- ధర్మవరం;: పట్టణంలోని చెరువు కట్ట వద్ద గల అయ్యప్ప స్వామి భజన మందిరం గురుస్వామి విజయ్ కుమార్ శిష్యులు ధర్మారం నుండి శబరిమలకు సైకిల్ యాత్ర తో బయలుదేరారు. ఈ సందర్భంగా గురుస్వామి అయ్యప్పకు ప్రత్యేక పూజలు నిర్వహించి శిష్య బృందానికి ఆశీస్సులను అందజేసి పంపడం జరిగింది. తొలుత సైకిళ్లకు పూజలు నిర్వహించారు. అనంతరం గురుస్వామి మాట్లాడుతూ ధర్మారం నుండి శబరిమల ఎనిమిది వందల కిలోమీటర్లకు పైగా ఉంటుందని ఇది మూడవసారి సైకిల్ యాత్ర చేస్తున్నారని, 18 మంది అయ్యప్ప మాల ధారణ భక్తాదులు బయలుదేరి వెళ్లడం జరిగిందని తెలిపారు. హిందూ సాంప్రదాయాలను మరింత విస్తరింప చేయడానికి ఈ కార్యక్రమాన్ని చేపట్టడం జరిగిందని తెలిపారు. వారం రోజుల లోపు శబరిమల చేరుకుంటారని తెలిపారు. శబరిమల యాత్ర చేసే అయ్యప్ప స్వాములు లోకేష్, మణికంఠ, ఓంకార్, ఓబులేసు, జగదీష్, తేజ, సుంకర చిన్న ,మహేష్ రెడ్డి, కుమార్, బాలు, నాగేంద్ర ,కళ్యాణ్, తేజ, వంశీ, ప్రవీణ్ తదితరులు ఉన్నారు. తదుపరి కుటుంబ సభ్యులు, మిత్రులు, తోటి అయ్యప్ప మాల ధారణ భక్తాదులు శుభాకాంక్షలు తెలియజేశారు.