దాత డోల రాజారెడ్డికి మాల ధారణ భక్తాదులు ఘనంగా సన్మానం

విశాలాంధ్ర -ధర్మవరం;; పట్టణంలోని పుట్టపర్తి రోడ్ సాయి నగర్ లో గల శిరిడి సాయిబాబా దేవాలయంలో గత కొన్ని రోజులుగా మాల ధారణ వేసిన భక్తాదులకు అన్నదాన కార్యక్రమాన్ని డోలా రాజారెడ్డి చేపట్టడం జరిగింది.ప్రతిరోజు 500 మందికి పైగా మాల ధారణ భక్తాదులు బిక్ష చేసి ఆశీస్సులను అందిస్తున్నారు. ఇందులో భాగంగానే అన్నదాత సుఖీభవ.. అని డోలా రాజారెడ్డిని ఆశీస్సులను ఇస్తున్నారు. దాత అయిన డోలా రాజారెడ్డి అయ్యప్ప, శివ మాల ధారణ భక్తాదులకు అనునిత్యం అన్నదాన కార్యక్రమాన్ని చేపట్టడం ఒక వరంగా భక్తాదుల కుమారింది. మాల ధారణ భక్తాదులు మాట్లాడుతూ ఇటువంటి దాత వందలాది మందికి అన్నదానం చేయడం భగవంతుని సేవతో సమానమని తెలుపుతూ వారిని కొనియాడారు. ఎలాంటి ఆటంకాలు లేకుండా సాఫీగా ఈ కార్యక్రమం విజయవంతం కావడం వెనుక ఆ శివుని అనుగ్రహంతో విజయవంతం కావడం ఎంతో సంతోషకరమని తెలిపారు. షిరిడి సాయిబాబా సిబ్బందికి దాత చేతులమీదుగా ఘన సన్మాన కార్యక్రమాన్ని కూడా నిర్వహించారు. అదేవిధంగా దాత డోలా రాజారెడ్డి దంపతులను బాబా ఆలయ కమిటీ వారు, యోగా గురువు నారాయణరెడ్డి, వారి శిష్యులతో కలిపి ఘనంగా సన్మానించారు. ఈ కార్యక్రమానికి చేయూతనిచ్చిన వారందరికీ ప్రత్యక్షంగా పరోక్షంగా కృతజ్ఞతలను కూడా తెలియజేశారు. ఈ అన్నదాన కార్యక్రమం ఈనెల 21వ తేదీతో ముగుస్తుందని తెలిపారు. ఈ కార్యక్రమంలో బాబా గుడి ఆలయ కమిటీ సభ్యులు, యోగ గురువు, శిష్యులు, మాల ధారణ భక్తాదులు పాల్గొన్నారు.