శ్రీశైలంలో ఆకట్టుకున్న ధర్మవరం శ్రీ లలిత నాట్య కళానికేతన్ ప్రదర్శన

విశాలాంధ్ర ధర్మవరం:: శ్రీశైలం లో జనవరి 28, 29 తేదీలలో శ్రీ భ్రమరాంబిక మల్లికార్జున స్వామి వారి ఆలయం ఆహ్వాన మేరకు శ్రీ సత్యసాయి జిల్లా ధర్మవరం మనకు చెందిన శ్రీ లలిత నాట్య కళానికేతన్ నాట్య గురువులు బాబు బాలాజీ, కమలా బాలాజీ వారి శిష్య బృందం ధర్మపతంలోని బ్రహ్మరి వేదికపై 40 మంది శిష్య బృందంతో నిర్వహించిన నాట్య ప్రదర్శన అందరినీ ఆకట్టుకుంది. నాట్య ప్రదర్శనలో శివనామ నృత్యములు దేవి నాట్యములు ప్రదర్శించిన తీరు అందరిని ముగ్ధుల్ని చేసింది. ప్రేక్షకుల చప్పట్లు మారుమోగాయి. అదేవిధంగా బాబు బాలాజీ కుమార్తెలు హర్షశ్రీ రామ లాలీత్యా చేసిన జంట నాట్యములు ప్రేక్షకులను, వీక్షకులను, ఎంతగానో అలరించాయి. అనంతరం ఆలయ పిఆర్ఓ శివారెడ్డి చేతులమీదుగా అందరికీ జ్ఞాపికలతో పాటు సర్టిఫికెట్లు కూడా పంపిణీ చేశారు. నాట్య ప్రదర్శన చేసిన 40 మందిని ప్రత్యేకంగా వీఆర్వో శివారెడ్డి అభినందన శుభాకాంక్షలు తెలిపి, కృతజ్ఞతలు తెలియజేశారు. ఈ రెండు రోజుల కార్యక్రమం కొరకు ధర్మవరం నుండి 200 మంది పిల్లల తల్లిదండ్రులు రావడం కూడా జరిగిందని బాబు బాలాజీ తెలిపారు. దేశ, రాష్ట్ర, జిల్లాల వారీగా తమ ప్రదర్శనను ఇవ్వడం జరుగుతోందని, భారతీయ సంస్కృతి కలలను విస్తరింప చేయడమే మా ధ్యేయము అని బాబు బాలాజీ తెలిపారు.