నిరాశ్రయులకు దుప్పట్లు పంపిణీ..

శ్రీ సత్య సాయి సేవ సమితి
విశాలాంధ్ర ధర్మవరం;; ప్రస్తుతం జిల్లాలో చలి అధికంగా ఉండడంతో ప్రజలు తీవ్ర ఇబ్బందులకు గురవుతున్నారు. వృద్ధులతోపాటు చిన్న పిల్లలు, ఆస్మా వ్యాధిగ్రస్తులు కూడా పలు ఇబ్బందులకు గురికావడంతో పాటు వైద్యుల సలహాలను పాటిస్తూ తగిన జాగ్రత్తలు తీసుకుంటున్నారు. మరి అన్నీ ఉన్న వ్యక్తులకు వారే అన్ని ఏర్పాటు చేసుకుంటారు. మరి ఏమీ లేని నిరాశ్రయులు అనగా రైల్వేటేషన్, బస్ స్టేషన్, దేవాలయాల వద్ద, వివిధ కళ్యాణ మండపాల వద్ద ఆరుబయట చలికి వణుకుతూ, బ్రతుకు జీవుడా అంటూ తన జీవనాన్ని కొనసాగిస్తున్నారు. అటువంటి నిరాశ్రయులకు పట్టణంలోని గాంధీ నగర్ లో గల శ్రీ సత్య సాయి సేవ సమితి వారు పుట్టపర్తి బాబా ఆశీస్సులతో, దాతల సహాయ సహకారములతో దాదాపు 60 మందికి పైగా దుప్పట్లను పంపిణీ చేశారు. సత్యసాయి సేవా సమితి వారు మాట్లాడుతూ మానవసేవే మాధవ సేవ అన్న సూక్తితో తాము ఈ కార్యక్రమాన్ని చేపట్టడం జరిగిందని, పేదలను ఆదుకొనుట, అనాధలకు, నిరాశ్రయులకు భోజనంతోపాటు ఇటువంటి దుప్పట్లు పంపిణీ చేయడం మాకెంతో సంతోషాన్ని తృప్తిని ఇచ్చిందని వారు తెలిపారు. అనంతరం అనాధలు నిరాశ్రయులు శ్రీ సత్య సాయి సేవ సమితి వారికి ప్రత్యేక కృతజ్ఞతలు తెలియజేశారు. ఈ కార్యక్రమంలో శ్రీ సత్య సాయి సేవా సమితి నిర్వాహకులు అధిక సంఖ్యలో పాల్గొన్నారు.