ప్రత్యేక తరగతులకు ఉపాహారం పంపిణీ..

మోడల్ స్కూల్ ఎస్ఎంసి కమిటీ చైర్మన్ నాగేంద్ర
విశాలాంధ్ర ధర్మవరం;; పట్టణంలోని మోడల్ స్కూల్ అండ్ ఇంటర్మీడియట్ కళాశాలలో పదవ తరగతికి, ఇంటర్ విద్యార్థులకు పబ్లిక్ పరీక్షలు దగ్గర కావడంతో, ప్రభుత్వ ఆదేశాల మేరకు మోడల్ స్కూల్లో అదనపు తరగతులను ఇంటర్, పదవ తరగతి విద్యార్థులకు నిర్వహిస్తున్నారు. ఈ సందర్భంగా వారికి ఉపహార నిమిత్తం పదవ తరగతి విద్యార్థి తండ్రి రామకృష్ణ తనవంతుగా అదనపు తరగతులకు చదువుతున్న విద్యార్థులందరికీ కూడా బిస్కెట్ ప్యాకెట్లను పంపిణీ చేశారు. పరీక్షలు ముగిసే వరకు దాతలు కూడా ఇటువంటి సేవా కార్యక్రమాలకు ముందు రావాలని వారు కోరారు. ఆసక్తి గల దాతలు మోడల్ స్కూల్ ప్రిన్సిపాల్ పద్మశ్రీని సంప్రదించాలని తెలిపారు. అన్ని దానాల కన్నా విద్యాదానం ఎంతో గొప్పదని తెలిపారు. దొంగలించ లేనిది విద్య ఒక్కటే అని తెలిపారు. చదువు అనేది భవిష్యత్తుకు మంచి పునాది అవుతుందని తెలిపారు. కావున విద్యార్థులు తల్లిదండ్రుల యొక్క కష్టాలను గుర్తిస్తూ, గురువులు చెప్పిన పాఠాలను తప్పక నేర్చుకోవాలని తెలిపారు. ఇటువంటి సేవా కార్యక్రమమును తాను చేపట్టినందుకు దాత రామకృష్ణ కృతజ్ఞతలను తెలియజేశారు. తదుపరి ప్రిన్సిపాల్ పద్మశ్రీ మాట్లాడుతూ పాఠశాల కళాశాలలో చదువుతున్న పదవ ఇంటర్ విద్యార్థులు సమయం వృధా కాకుండా చక్కగా శ్రద్ధతో చదువుకున్నప్పుడే అనుకున్న ఫలితాలను సాధించే అవకాశం ఉందని తెలిపారు. ఈ కార్యక్రమంలో పాఠశాల, కళాశాలలోని ఉపాధ్యాయులు, అధ్యాపకులు, తల్లిదండ్రులు, ఎస్ఎంసి కమిటీ సభ్యులు పాల్గొన్నారు.