నూతన సంవత్సరాన్ని మద్యంతో ప్రారంభించవద్దు..

జన విజ్ఞాన వేదిక రాష్ట్ర ఆడిట్ కన్వీనర్ సాకే భాస్కర్ పిలుపు
విశాలాంధ్ర ధర్మవరం ; 2025 నూతన సంవత్సరాన్ని మధ్యముతో ప్రారంభించవద్దని జనవిజ్ఞాన వేదిక రాష్ట్ర ఆడిట్ కన్వీనర్ సాకే భాస్కర్ తెలిపారు. ఈ సందర్భంగా పట్టణంలోని సూర్య హై స్కూల్లో సమావేశాన్ని ఏర్పాటు చేశారు. అనంతరం వారు మాట్లాడుతూ కొత్త సంవత్సరములు సరదాగా ప్రారంభించిన దురాలవాట్ల ప్రభావం చాలా కాలం ఉంటుందని, కావున వాటికి దూరంగా ఉండాలని తెలిపారు. ప్రభుత్వం తెలిపిన మేరకు పాఠశాలల్లో కళాశాలలో గంజాయి, మాదకద్రవ్యాలు అమ్ముతున్నారని మీరు వాటి జోలికి వెళ్ళకూడదని వారు తెలిపారు. పిల్లల్లో నైతిక విలువలను పెంచడానికి ప్రవచన కారులను సలహాదారులుగా కూడా పెట్టుకుంటున్నారని తెలిపారు. తదుపరి జనవిజ్ఞాన వేదిక ప్రధాన కార్యదర్శి డాక్టర్ ఆదిశేషు, జిల్లా అధ్యక్షులు మహేందర్ రెడ్డి, జిల్లా కార్యదర్శి హరి మాట్లాడుతూ అక్టోబర్ 16న 3,300 మద్యం దుకాణాలను పర్మిషన్ ఇస్తే డిసెంబర్ 9 నాటికి అంటే 55 రోజుల్లో 4, 677 కోట్ల రూపాయలు మద్యం అమ్మకాలు ఆంధ్ర రాష్ట్రంలో జరిగాయన్నరు. ఒకప్పుడు నెల్లూరులో ప్రారంభమైన సారా వ్యతిరేక పోరాట వెనుక జన విజ్ఞాన వేదిక ఉంది అని వారు గుర్తు చేశారు. కానీ ప్రభుత్వాలు కుట్ర మూలంగా అది నిర్వీర్యం అయిపోయిందని బాధను వ్యక్తం చేశారు. ప్రస్తుత ప్రభుత్వం మాదకద్రవ్యాలని వాడకూడదు అంటుందే గానీ మద్యం కూడా అదే కోవలికి వస్తుందన్న విషయాన్ని మర్చిపోవడం దురదృష్టకరమని తెలిపారు. మధ్యము మాదకద్రవ్యాలకు అలవాటు పడకూడదని తెలిపారు. మన కుటుంబంలో ఒకరో ఇద్దరో తాగే వారు ఉంటే, పిల్లల చదువు, ఆహారం పిల్లలలో ఉండే నిరాశ, నిర్లి ప్రతా ఇవన్నీ పరిశీలించాలన్నారు. మద్యం అలవాటు కావడం వలన హత్యలు, గొడవలు, ప్రమాదాలు, మరణాలు జరుగుతున్నాయని తెలిపారు. ఈ కార్యక్రమంలో చిన్న పిల్లల వైద్యులు డాక్టర్ విక్రాంత్, డాక్టర్ సుధాకర్ రావు, జెవివి నాయకుడు బాలగంగాధర నాయక్, రామకృష్ణ, లక్ష్మీనారాయణ బాబు, లక్ష్మీనారాయణ రెడ్డి ,లోకేష్, నరేంద్రబాబు, సురేష్ ,మనోహర్ తదితరులు పాల్గొన్నారు.