ప్రతి వ్యక్తి సేవా భావాన్ని అలవర్చుకోవాలి..

శ్రీ సత్య సాయి సేవా సమితి కన్వీనర్ నామా ప్రసాద్
విశాలాంధ్ర ధర్మవరం;; ప్రతి వ్యక్తి సేవ భావాన్ని అలవర్చుకున్నప్పుడే కుటుంబంలోనూ సమాజంలోనూ మంచి గుర్తింపు లభిస్తుందని శ్రీ సత్య సాయి సేవా సమితి కన్వీనర్ నామా ప్రసాద్ పేర్కొన్నారు. ఈ సందర్భంగా వారు పట్టణంలోని ప్రభుత్వ ఏరియా ఆసుపత్రిలో 380 మంది రోగులకు సహాయకులకు భోజనపు ప్యాకెట్లను, వాటర్ ప్యాకెట్లను వైద్యులు, నర్సులు చేతులమీదుగా పంపిణీ చేశారు. అనంతరం గర్భిణీ స్త్రీలకు ప్రత్యేకంగా స్వీట్లు కూడా పంపిణీ చేశారు. కన్వీనర్ నామా ప్రసాద్ మాట్లాడుతూ ఈ సేవా కార్యక్రమానికి సేవాదాతగా ఆవుల అభిరామ్, తండ్రి శ్రీనివాసులు నిర్వహించడం పట్ల వారు కృతజ్ఞతలు తెలియజేశారు. ప్రతి సంవత్సరము ఈ సేవా కార్యక్రమాలను నెలలో ఒక వారం నిర్వహిస్తున్నట్లు వారు తెలిపారు. అనంతరం ప్రభుత్వ ఆసుపత్రి సూపర్డెంట్ మాధవి మాట్లాడుతూ శ్రీ సత్య సాయి సేవ సమితి వారు నిర్వహిస్తున్న ఇటువంటి సేవలు ఎంతోమందికి స్ఫూర్తినిస్తాయని, రోగులకు ఇది వరం లాగా మారడం పట్ల వారు ప్రత్యేకంగా కృతజ్ఞతలు తెలియజేశారు. ఇటువంటి సేవా కార్యక్రమాలకు ప్రజలు, దాతలు ముందుకు రావలసిన అవసరం ఎంతైనా ఉందని తెలిపారు. ఇటువంటి కార్యక్రమాలకు ఆసక్తిగా గల దాతలు సెల్ నెంబర్ 9966047044కు గాని 903044065కు గాని సంప్రదించాలని వారు కోరారు. ఈ కార్యక్రమంలో 27 మంది సేవ దళ్ సభ్యులు పాల్గొన్నారు.