లింగ అసమానతలను రూపుమాపాలి

విశాలాంధ్ర-తాడిపత్రి (అనంతపురం జిల్లా ): సమాజంలో ప్రతి ఒక్క బాలుడు బాలికలపై లింగ అసమానతలను రూపుమాపాలని ఐసిడిఎస్ అధికారి ఎస్. షాజీదా బేగం, చుక్కలూరు ప్రాథమిక వైద్యాధికారిని డాక్టర్. లావణ్య పేర్కొన్నారు. శుక్రవారం మండలంలోని చుక్కలూరు హై స్కూల్లో ఐసిడిఎస్ సూపర్వైజర్ బి. విజయకుమారి అధ్యక్షతన జాతీయ బాలిక దినోత్సవం, విద్యార్థులకు లింగవక్షత పై వ్యాసరచన పోటీల కార్యక్రమం నిర్వహించారు. ఈ కార్యక్రమానికి ముఖ్యఅతిథిలుగా ఐసిడిఎస్ అధికారి ఎస్. షాజీదా బేగం, చుక్కలూరు ప్రాథమిక వైద్యాధికారి డాక్టర్. లావణ్య పాల్గొన్నారు. ఈ సందర్భంగా వారు మాట్లాడుతూ సమాజంలో బాలికలపై లింగ వివక్షత చూపడం మానుకోవాలన్నారు. ప్రతి ఒక్క బాలుడు బాలికలను గౌరవించి, వారికి రక్షణగా ఉండడం ప్రతి ఒక్కరి బాధ్యత అని బాలురకు సూచించారు. అంతేకాకుండా విద్యార్థుల చేత బాలికలకు సమానావకాశాలు కల్పిస్తూ, లింగ అసమానతలను రూపుమాపి వారికి ప్రోత్సాహం కల్పిస్తామని ప్రతిజ్ఞ చేయించారు. అనంతరం వ్యాసరచన పోటీలలో గెలుపొందిన విద్యార్థులకు బహుమతులు అందజేశారు. ఈ కార్యక్రమంలో సూపర్వైజర్ దస్తగీరమ్మ, పల్లవి అంగన్వాడీ టీచర్లు ప్రమీల, పెద్దక్క, వాణి స్కూల్ ఉపాధ్యాయులు విద్యార్థులు పాల్గొన్నారు.