మంచి వంటతోనే చక్కటి ఆరోగ్యం ..

డిప్యూటీ ఎమ్మార్వో లక్ష్మీదేవి
విశాలాంధ్ర ధర్మవరం:: మంచి వంటలోనే చక్కటి ఆరోగ్యం లభిస్తుందని, ఇంటి వంటనే ప్రతి ఒక్కరూ ఇష్టపడితే చక్కటి ఆరోగ్యంతో కూడిన భవిష్యత్తు లభిస్తుందని డిప్యూటీ ఎమ్మార్వో లక్ష్మీదేవి తెలిపారు. ఈ సందర్భంగా కేంద్ర ప్రభుత్వ ఆదేశాల మేరకు పట్టణంలోని కోర్టు రోడ్డు లక్ష్మీ హెచ్పి గ్యాస్ ఏజెన్సీదారులు గోవిందు చౌదరి వారి స్వగృహ ఆవరణములోఁహమారా రసోయ్-హమారా జవాబు దారిఁఅన్న అంశంలో భాగంగాఁవంటగది-మన బాధ్యతఁఅన్న విషయంపై మహిళలకు అవగాహన సదస్సుతోపాటు పాటించాల్సిన విధి విధానాలు జాగ్రత్తలు గూర్చి వివరించడం జరిగింది. అనంతరం 20 మంది మహిళలచే వివిధ రకాల వంట పోటీలను నిర్వహించారు. ఈ వంట పోటీలో రుచిగా చేసే వంటకాలపై ప్రత్యేక శ్రద్ధను ఘనపరిచి 5 మంది మహిళలను విజేతగా ప్రకటించారు. అనంతరం ముఖ్య అతిధి లక్ష్మీదేవి చేత బహుమతులను పంపిణీ చేశారు. అనంతరం లక్ష్మీదేవి తో పాటు గ్యాస్ ఏజెన్సీదారులు గోవిందు చౌదరి మాట్లాడుతూ ప్రస్తుత సమాజంలో ఇంటి వంటపై తక్కువ మమకారం చూపుతూ, బయట భరత్ ఆహారాన్ని తినడం వల్ల అనేక రోగాలను కొని తెచ్చుకోవడం జరుగుతుందని తెలిపారు. కానీ ఇంటి వంటలు గల రుచి మరో చోట ఉండదని తెలిపారు. మహిళలు కూడా చక్కటి వంట చేసేందుకు ఇష్టపూర్వకంగా చేసినప్పుడే అది రుచికరంగా ఉంటుందని తెలిపారు. ఇటువంటి కార్యక్రమం ఏర్పాటు పట్ల మహిళలు గ్యాస్ ఏజెన్సీదారులకు కృతజ్ఞతలను తెలియజేశారు. ఈ కార్యక్రమంలో కీర్తి చౌదరి, అనంతశయన, గ్యాస్ సిబ్బంది పాల్గొన్నారు.