ఘనంగా రాజ్యాంగ దినోత్సవ వేడుకలు… హెడ్మాస్టర్ శైలజ

విశాలాంధ్ర- ధర్మవరం : భారత రాజ్యాంగదినోత్సవం ఉత్సవాల వేడుకలు పట్టణంలోని ప్రభుత్వ ఉన్నత పాఠశాల ఘనంగా నిర్వహించుకోవడం జరిగిందని ప్రధానోపాధ్యాయురాలు శైలజ తెలిపారు. ఈ సందర్భంగా వారు మాట్లాడుతూ సాంఘిక శాస్త్ర ఉపాధ్యాయురాలు సునీత విద్యార్థులతో నమూనాలను తయారు చేయించి ప్రదర్శించారు అని తెలిపారు. విద్యార్థుల యొక్క ఆలోచన విధానం, ప్రతిభ జాతీయ భావనలతో కలిగిస్తూ జాతి ఐక్యతకు తోడ్పడే విధంగా నమూనాలు ఉన్నాయని తెలియజేశారు. రాజ్యాంగ హక్కులు బాధ్యతలు, భారత దేశ ప్రజల జీవన విధానంలోని అంశాలతో కూడుకున్న నమూనాలని, టీచర్ సునీత ప్రోత్సహిస్తూ సృజనాత్మకతను కలిగించడం జరిగిందన్నారు.ఈ సందర్భంగా ఉపాధ్యాయులు విద్యార్థులను ప్రశంసిస్తూ భవిష్యత్తులో రాజ్యాంగ నిబంధనలు అందరూ పాటించి మెలగాలని తెలిపారు. విద్యార్థులు ఉన్నత స్థాయి భారత వ్యవస్థ కోసం కృషి చేయాలని తెలిపారు. ఈ కార్యక్రమంలో ఉపాధ్యాయులు హిందీ పండిట్ వేణుగోపాల్, హేమలత, శ్రీనివాసులు, రామకృష్ణారెడ్డి హరికృష్ణ, ప్రసాద్ ,నాగేంద్ర ,నాగరాజు పాల్గొన్నారు.