ఘనంగా నారా లోకేష్ జన్మదిన వేడుకలు 

విశాలాంధ్ర ఆస్పరి (కర్నూలు జిల్లా): తెలుగుదేశం పార్టీ జాతీయ ప్రధాన కార్యదర్శి, మంత్రి నారా లోకేష్ 42వ జన్మదిన వేడుకలను మాజీ ఎంపీటీసీ టిడిపి సీనియర్ నాయకులు బత్తిన జగన్మోహన్ బాబు, యూత్ నాయకులు సతీష్ కుమార్ ల ఆధ్వర్యంలో ఘనంగా నిర్వహించారు. గురువారం స్థానిక గాంధీ పార్క్ లో బర్త్ డే కేకును కట్ చేసి శుభాకాంక్షలు తెలియజేశారు. అనంతరం ప్రభుత్వ ఆసుపత్రిలో బాలింతలకు, రోగులకు పళ్లు, బ్రెడ్లు పంచిపెట్టారు. ఈ సందర్భంగా వారు మాట్లాడుతూ యువగళం పాదయాత్రతో టిడిపి ను అధికారంలోకి తీసుకువచ్చి తండ్రికి తగ్గ తనయుడు అని నిరూపించారన్నారు. కార్యకర్తల సంక్షేమ నిధిని ఏర్పాటు చేసిన మొదటి నాయకుడు నారా లోకేష్ అని కొనియాడారు. యువగళం పాదయాత్రలో ఇచ్చిన హామీలను నెరవేరుస్తూ ప్రజాభిమానాన్ని చురగొంటున్న యువ నాయకుడు మరిన్ని పదవులు చేపట్టి పేద ప్రజల అభ్యున్నతికి కృషి చేసే విధంగా ఆ దేవదేవుడు ఆయనకు ఆశీస్సులు అందించాలని ప్రార్థించారు. ఈ కార్యక్రమంలో సాగునీటి సంఘం అధ్యక్షుడు బసవరాజు, మాజీ మండల కన్వీనర్లు తిమ్మన్న, శ్రీనివాస్ గౌడ్, మాజీ సర్పంచ్ రామలింగప్ప, మాజీ ఎంపీటీసీ శివకుమార్, ఎంపీటీసీ రహంతుల్లా, టీడీపి యువ నాయకులు మహేష్, మేకల రంగనాథ్, రాజకుమార్, యుగంధర్, మారేష్ , అంగడి వీరేష్, తదితరులు పాల్గొన్నారు.