ఘనంగా అంతర్జాతీయ బాలల హక్కుల దినోత్సవం….

కరెస్పాండెంట్ నరేంద్రబాబు
విశాలాంధ్ర ధర్మవరం : పట్టణంలోని సాయి నగర్ లో గల సూర్య ఉన్నత పాఠశాలలో విద్యార్థులు ఉపాధ్యాయులు నడుమ అంతర్జాతీయ బాలల హక్కుల దినోత్సవం ఘనంగా నిర్వహించుకోవడం జరిగిందని పాఠశాల కరెస్పాండెంట్ నరేంద్రబాబు తెలిపారు. అనంతరం వారు మాట్లాడుతూ 1989లో బాలల హక్కుల సదస్సును అసెంబ్లీ ఆమోదించిన రోజును సూచిస్తుందని తెలిపారు. మానవ హక్కుల ఒప్పందమైన హింస నుండి రక్షించడానికి, జీవించే హక్కు, ఆరోగ్యం ,విద్య, ఆటలు, అనేక బాలల హక్కులను నిర్దేశిస్తుందని తెలిపారు. ఇదే రోజున అంతర్జాతీయ బాలల దినోత్సవం గా కూడా జరుపుకుంటారని తెలిపారు. పాఠశాలలో వివిధ ప్రదర్శన కూడా నిర్వహించిన వైనం అందరిని ఆకట్టుకుంది. ఈ కార్యక్రమంలో జ్యోతి, మారుతి, సునీత, ఉపాధ్యాయులు పాల్గొన్నారు.