ఆల్ ఇండియా బాల్ బ్యాడ్మింటన్ పోటీలకు కే.హెచ్ డిగ్రీ కళాశాల విద్యార్థిని ఎంపిక

విశాలాంధ్ర -ధర్మవరం : ఆల్ ఇండియా బాల్ బ్యాడ్మింటన్ పోటీలకు ధర్మవరం పట్టణంలోని కే.హెచ్ గవర్నమెంట్ డిగ్రీ కళాశాలకు చెందిన యస్.షమీమ్ ( బి.ఏ ) ప్రథమ సంవత్సరం ఎంపికైనట్లు ప్రిన్సిపాల్ ప్రభాకర్ రెడ్డి, ఫిజికల్ డైరెక్టర్ బి.ఆనంద్ పేర్కొన్నారు. అనంతరం వారు మాట్లాడుతూ ఎస్కే యూనివర్సిటీ నిర్వహించినటువంటి ఎంపికలో ఉత్తమ ప్రతిభ కనబరిచి ఎస్కే యూనివర్సిటీ జట్టుకు ఎంపిక అయింది అని తెలిపారు. ఎంపికైన ఈ విద్యార్థిని తమిళనాడు అలగప్ప యూనివర్సిటీ లో ఈ నెల 28వ తేదీ నుండి ప్రారంభమయ్యేటువంటి అల్ ఇండియా పోటీలకు ఎస్కే యూనివర్సిటీ జట్టు తరఫున ప్రాతినిధ్యం వహించనున్నారు అని తెలిపారు.విద్యార్థిని యస్.షమీమ్ కు కళాశాల ప్రిన్సిపల్, అధ్యాపకులు, అధ్యాపకేతర సిబ్బంది, కళాశాల విద్యార్థులు అందరూ కలిసి అభినందన శుభాకాంక్షలు తెలియజేశారు.