పారిశుద్ధ్య కార్మికులకు పనిముట్లు పంపిణీ చేసిన మున్సిపల్ కమిషనర్ ప్రమోద్ కుమార్

విశాలాంధ్ర- ధర్మవరం : పట్టణంలోని నాలుగు డివిజన్లలో పనిచేసే పారిశుద్ధ్య కార్మికులు అందరికీ పనిముట్లను మున్సిపల్ కమిషనర్ ప్రమోద్ కుమార్ చేతులమీదుగా మాస్టర్ కార్యాలయంలో అందజేశారు. ఈ సందర్భంగా కమిషనర్ మాట్లాడుతూ మొత్తం నాలుగు డివిజన్లో పని చేసే పారిశుద్ధ్య కార్మికులు కు పనిముట్లు గతంలో లేకపోవడంతో ఎన్నో ఇక్కట్లను ఎదుర్కొనే వారని, నేడు పనిముట్లు పంపిణీ చేయడం వల్ల మరింత పరిశుభ్రత ఏర్పడుతుందని తెలిపారు. మొత్తం 164 మందికి పనిముట్లు పంపిణీ చేశామని తెలిపారు. పారిశుద్ధ్య కార్మికుల సమస్యలపై పరిష్కారానికి తాను కృషి చేస్తానని, వారు పని విధానంలో మెరుగు ఉండాలని తెలిపారు. ఈ కార్యక్రమంలో శానిటరీ ఇన్స్పెక్టర్లు శాంసన్ ,కేశవ, మేస్త్రీలు ఆంజనేయులు, పార్థ, నరసింహులు , పారిశుద్ధ్య కార్మికులు పాల్గొన్నారు.