మంత్రిని కలిసిన పద్మశాలియా నూతన కమిటి

విశాలాంధ్ర -ధర్మవరం : ఇటీవల నూతనంగా ఎన్నికైన శ్రీ బహుత్తమ పద్మశాలియ సంఘం కమిటీ సోమవారం రాష్ట్ర వైద్య ఆరోగ్య శాఖ మంత్రి సత్య కుమార్ యాదవ్ ను మర్యాదపూర్వకంగా కలిశారు. ఈ సందర్భంగా నూతన కమిటీ మంత్రిని భారీ గజమాలతో సత్కరించారు మంత్రి కూడా నూతన కమిటీని అభినందిస్తూ కమిటీ సభ్యులను పేరుపేరునా అడిగి తెలుసుకున్నారు. అనంతరం అధ్యక్ష, ఉపాధ్యక్షులు, ప్రధాన కార్యదర్శి, పుత్త రుద్రయ్య,జింక నాగభూషణం, బాల కుళాయప్ప లను శాలువాలతో సత్కరించారు. ఈ సందర్భంగా శ్రీ పద్మశాలియ కుల సంఘం యొక్క ప్రాశస్త్యాన్ని అడిగి తెలుసుకున్నారు అనంతరం పలు అంశాలపై మంత్రితో చర్చించారు. పద్మశాలియ కుటుంబాల సంక్షేమం కోసం ఎన్డీఏ ప్రభుత్వం తమ వంతు కృషి చేస్తుందని ఈ సందర్భంగా మంత్రి హామీ ఇచ్చారు.ఈ కార్యక్రమంలో శ్రీ బహుత్తమ పద్మశాలియ కుల బాంధవులు దాదాపు 200 మంది దాకా పాల్గొన్నారు.